الرب شفى الام المسنة دون تدخل جراحى .... و شفى الابنة لترضع طفلتها الصغيرة
• اخوتى الاحباء حبايب ابونا سمعان الغالى على قلبى عاوزة احكى لكم على عمل الله معنا وشفاعة حبيبى ابونا سمعان معانا : انا بنتى لما ولدت كانت تعبانة وحصلت لها مشكلة مكنتش عارفة تلرضع البنت وبقت تبكى باستمرار من شدة الالم ولانها صعبان عليها البنت انها مش عارفة ترضع منها وطلبت ابونا سمعان ووعدته انه لو خفت وعرفت ترضع البنت هاكتب المعجزة والان بأوفى الدين
حاجة كمان انا ماما ست كبيرة فى السن فى نفس الوقت اللى كانت بنتى تعبانة اكتشفت فى يوم ان ماما عندها رجل منتفخة جدا وبدأ لونها يتحول الى الازرق الغامق واتخضيت وفهمت ان الرجل كده فيها تسمم او مشكلة كبيرة وندهت على ابونا سمعان وقولت له الحقنى اعمل ايه ؟ اتصرف ، وانا محتارة وبافكر اجيبلها جراح والا اعمل ايه ربنا ارسل خادمة طبيبة شافت رجلها وقالت لى دى قرحة جامدة جدا وداخلة جوه الرجل وهنحاول بالادوية نعالجها وقلت يا ابونا اتشفع لها وبدأنا نعاجها بالادوية ونشكر ربنا الرجل بقت سليمة واستجابت للعلاج بالرغم من احتياج الحالة للتدخل الجراحى اللى كان لا مفر منه -
شكرا ليك يا رب يا احن اب وشكرا للست العدرا ام النور وحبيبها ابونا سمعان
14 - 07 - 2014, 03:29 PM
قد تكون مهتم بالمواضيع التالية ايضاً
العرض الشجري