|
 |
 |
 |
|
رقم المشاركة : ( 1 )
05 - 06 - 2012, 05:07 PM
|
|||||||||||
|
|||||||||||
|
هو فيه كرامة في الحب؟ لمّا بتفرج على فيلم شادية وصلاح ذو الفقار (كرامة زوجتي) كل مرة بقف عند نفس المشهد....... هو: بس الحب مافيهوش كرامة هي: لا يا أستاذ يا مثقف يا متعلم، لو شيلت الكرامة من الحب يبقى أي شئ إلا الحب يا ترى الكلام دة صح وللا غلط؟ الخلاف على وجود الكرامة في الحب من عدمه هو خلاف تاريخي.. خلاف البشر على أزليّة البيضة والفرخة.. هو مين قبل مين صحيح؟.. الأول بس لازم نفرّق بين موضوعنا وبين الكرامة المرتبطة بالخيانة الأخلاقية فعلاً وقولاً، دي قصة ودي قصة تانية خالص مش مجالها هنا، وكلامنا كله هيكون عن الكرامة المرتبطة في الأساس بأفعال وأقوال من النوعية المستخدمة بشكل يومي في حياتنا ببساطة الحب نفسه كمضمون هو بديل للكرامة.. فالطبيعي إن الحب فيه إحترام وإخلاص وتضحية وبذل وعطاء، ولو حد عنده كرامته أهم من كل دة يبقى مش هيعرف يحب بجد لأنه هيسمّي التضحية تنازل عن كرامته والبذل إهانة لكبريائه!! إذاً الكرامة في أي علاقة حب صادق لا وجود لها.. الحب الصادق إنك تعتبر اللي بتحبه دة هو نفسك فهل توجد كرامة بينك وبين نفسك؟! طالما أنا بحب حد يبقى أكيد مش هجرحه ولا هجرح مشاعره ويبقى أكيد هبقى عايز أسعده بأي طريقة ويبقى أكيد مش هحاول أئذيه ولا أهينه.. طيب يعني إيه كرامة؟ مش هي إهانة النفس وجرح المشاعر وخدش الكبرياء؟ طيب ماهو لو أنا عملت كل دة هبقى مش بحب أصلا.. لأني لو بحب الشخص دة هخاف على كرامته ومشاعره فيه ناس بقى عندهم الكرامة فوق كل اعتبار! وبيقفوا لبعض على الواحدة بحجة (كرامتي)! ماهو لمّا يزول الحب من أي علاقة، تتفاقم مشكلة الكرامة.. ويبدو أنصار أصحاب هذا الاتجاه - وما أكثرهم - كأنهم مصابون بجمودية القلب والمشاعر، وليس لديهم أي استعداد للتضحية والتحمل قليلا من أجل حبهم، لكن الفكرة ببساطة شديدة أنهم بالغوا كثيراً في الاعتداد بأنفسهم وبالغوا أكثر وأكثر في مفهوم ومعنى عزة النفس لديهم، فباتت مرادفاً يناطح الكرامة، ويعلوها في بعض الأحيان.. على حسب الحالة المزاجية.. فباتت كل كلمة أو فعل على بساطته أو قوته يحدث شرخاً ما في جدار تلك العلاقة ليخرج في النهاية وحش الكرامة بكامل هيئته السيئة.. ليدافع عن نفسه وينسف ويدمر ويحطم كل شيء أمامه في فيلم (مراتي مدير عام) نفتكر الحوار الكوميدي لصلاح ذو الفقار أمام زوجته شادية عندما كان يحدثها في المصلحة أمام الموظفين هي: مين اللي إدى العمال أجازة؟ هو: أنا اللي إديت للعمال أجازة هي: مخصوم منك.. تسكت، ثم تنظر بضعف، وترتخي أحبالها الصوتية.. ليه يا حسين عملت كدة؟ هو: أولاً لما تحبّي تكلميني تقولي لي: يا أستاذ حسين أو: يا سيد حسين، ثانيا: إدّيت العمال أجازة لأني كنت شايف إنهم تعبوا هي: هيرتاحوا بعد ما نخلّص المشروع هو: بس أنا شايف إنهم يرتاحوا دلوقت هي: يعني مش عاوز تعترف بغلطك هو: لأ هي: مخصوم منك 3 أيام ويعود حسين ليثأر لكرامته في المنزل.. فيحتدّ عليها، وتهرب من أمامه لتجهز الطعام.. ثم هو: كل يوم قلقاس؟.. كل يوم قلقاس؟ هي: ده مش قلقاس يا حبيبي، دي مكرونة بالفراخ هو: كل يوم فراخ؟.. كل يوم فراخ؟.. دي عيشة تقرف أصحاب هذا المبدأ أو الاتجاه يحملقون بعصبية زائدة وحساسية مفرطة في كل كلمة أو فعل، ومبررهم في ذلك أن كرامتهم لا يمكن أن تمس، وخاصة من أقرب الناس إليهم، وهم بالمناسبة لا يفرقون بين أن يكون هذا الفعل أو القول أمام الناس أو في الخفاء، عموماً اللي بيفكروا بالشكل دة، ليسوا أشراراً بل بالعكس قد تجدهم طيبين للغاية، لكن تركيبتهم الشخصية تكونت بهذا الشكل وبهذا الأسلوب، فبات من الصعب تغييرها، فالثابت لديهم أن كفّة الكرامة ترجح دائماً عندما يوضع مقابلها الحب!! 
|
 |
| أدوات الموضوع | |
| انواع عرض الموضوع | |
|
العرض العادي
