الثانوية فى ايد البابا

[Ƒ̐ὰ̗đƴ]

لا تخف لانى معك

الاسم \ .........


انا طالبة فى الصف الثالث الثانوى التجارى كانت عندى امتحاناتى اخر العام كانت صعبة عليا لانها كانت امتحانات سنة كاملة وانا اول مرة اجرب سنة كاملة فكنت مهملة جدا فى مذكرتى واقول لسه بدرى على الامتحان واجازة نصف السنة مكنتش اذاكر فيها وكان انا عندى اجازة ومرت الايام بسرعة ولقيت نفسى فى الامتحان كنت اذاكر مواد معينة هى اللى ارفها المواد الاساسية اما المواد الحفظ كنت مهملة فيها جدا وعند الامتحان كنت انادى على البابا كيرلس كتير جدا ولكنه لايستجيب لى وكنت اقوله انى زعلانة منه لانى كنت حاسة انه لايستجيب لى والامتحانات كانت صعبة عليا فى بعض المواد واقول لا البابا كيرلس هيساعدنى مش هيسبنى ابدا وخلصت الامتحانات ولقيت نفسى فى مادة اخر يوم مادة الاقتصاد حليت فيها كل الاسئلة غلط وهى كانت صعبة لانها كل سنة تاتى صعبة .


وكمان نمت اول ما رجعت من المادة اللى قلبها لجد ثانى يوم على الامتحان لان كان قبلها امتحانات مواد لو كنت نمت فيها كنت نستها فكان بقالى كام يوم منمتش وتعبت اخر يوم ونمت فيه وبالفعل حليتها غلط كلها وكمان لما كنت اصلى احس ان البابا برضه لايستجيب .

قرات معجزة ان واحدة البابا كيرلس عمل معها معجزة وهى كانت وعدته انها سوف ترسلها ولكن لم ترسلها كما وعدته وكانت مريضة وطلبت البابا كيرلس ان يشفيها ولم يستجيب لها وعرفت انه زعلان منها لانها لم ترسل هذه المعجزة ووعدته انه لو شفاها سوف ترسل الاثنان وفعلا شفيت وارسلت له المعجزاتين وانا فعلا حكايتى نفس حكايتها كان عندى معجزة ولم ارسلها وطلبت من البابا يسامحنى وقرات كتاب صانع المعجزاتفى الامتحانات ولقيت فيه معجزة اسمها " انت ناجح ايضا " حسيت ان البابا كيرلس سامحنى وبيقولى هذه الرسالة بس انا برضه كنت خايفة جدا ان ارسب فى هذه المادة وكمان انا نفسى فى مجموع معين يخلينى اعمل معادلة الجامعة صليت وزرت البابا فى الطاحونة وانا بصلى طلبت من البابا ان يعطينى علامة انى هانجح برفع عينى الى صورة البابا اية بتقول " لاتخف لانى معك " فرحت جدا بس قلبى خايف دحلت المزار لقيت نفس الاية حسيت ان هذا الكلام ليا انا رحت فى الاستراحة وقلت لزميلتى تعالى نعمل قرعة نكتب ثلاثة اوراق طلعت اسم البابا يبقى انا هانجح وصليت قبل ما اعمل هذه القرعة وكنت بتعلق باى امل وفعلا عملتها وطلعلى اسم البابا عملتها كتير وكان برضه يطلع اسم البابا وظهرت النتيجة تانى يوم زرت فيه الطاحونة ولقيت نفسى ناجحة فى هذه المادة والمجموع اللى انا طلبته انا بشكر البابا كتير اوى لانه بيقف بجانبى فى كل شئ .


بشفاعة ام النور والبابا كيرلس ومارمينا والقديس ابانوب آمين .


يتبع

[مينا كيرلس]

الاسم/ ........، سوهاج
اشكر اللة على تحننه علينا وعملة العجيب فى قديسية الذى يفوق كل عقل بشرى
اود ان اقدم اعتذارى للبابا كيرلس عن التاخير فى كتابة المعجزة
كنت فى الصف الثالث الاعدادى وكان اهلى كل امنيتهم انى احصل على مجموع يؤهلنى لدخول ثانويه عام بداء العام الدراسى واعتمدت على مذاكرتى وذاتى دون كلب المعونة من اللة والتشفع بالقديسين وجاء وقت الامتحانات وكما فلت كنت معتمد على ذاتى ومذكرتى ولم اطلب المعونة من اللة مرت الامتحانات بسلام ولكن وقت نتيجة التيرم الاول كانت الصدمة بالنسبالى حيث حصلت على مجموع قليل لا يوهلنى لدخول الثانوية العامة وبعدها الشيطان دحك عليا فترة ان ربنا مش عادل وانى ذاكرت ومجبتش مجموع كويس
وبالنسبالي حلم انى ادخل ثانوى عام ضاع لانة لايمكن تعويض كمية الدرجات الى ضاعت منى
ولكن قبل الفصل الدراسى الثانى وقع نظرى على كتاب معجزات للبابا كيرلس واخذت اقراء فية وتجدد نشاط الروح القدس فى داخلى وابتديت ادور على كتب معجزات البابا كيرلس وابونا فلتاؤس السريانى وتماف ايرينى وابتديت اصلى وقول( من ذا الذى يقول فيكون والرب لم يامر) اكيد ربنا شايلى حاجة حلوة وابتديت اذاكر وقبل مذاكر اصلى واطلب معونة ربنا واتشفع بالقديسين
ولكن كان الشيطان بيزرع جوايا الخوغ والقلق انى مش هدخل ثانوى لكن كنت اصلى وعملت قرعة كذا مرة اجيب ورق واكتب علية ثانوى ولا تجارة ولا صنايع وامسك صورة البابا كيرلس واعمل بيها القرعة وفى كل مرة تطلع ثانوى
وجاء وقت الامتحانات وكان جويا سلام عجيب وتسليم لارادة اللة والتشفع بالقديسين وندرت لو دخلت ثانوى هكتب المعجزة
وكانت المفاجة يوم ظهر النتيجة انى قفلت كل المواد ماعدا درجتين فى العربي ودى كانت حاجة مستحيل بالنسبالى انى اقفل اغلب المواد
وعند دخول ثانوى كان مجموع التقديم فى مدارس ثانوى عام ااقل من مجموعى بنص درجة وكان ربنا والبابا كيرلس بيقولولى احنا الى مخلينة على قدك وكل دا كان بصلوات وشفعات السيدة العذراء والبابا كيرلس وتماف ايرينى وكل الشهداء والقديسين.
ولم ياتركونى فى اولة وتانية ثانوى وكانة معونة اللة وشفاعة قديسية ظاهرة بوضوح فى دراستى وحياتى اليومية