بدء أنجيل ربنا يسوع المسيح

[tito227]

بدء أنجيل ربنا يسوع المسيح



الثلاثاء 17 ديسمبر 2013
نيافة الأنبا أثناسيوس أسقف بني مزار والبهنسا

لما نبتدي نتكلم عن المفهوم المسيحي لبدء أنجيل ربنا يسوع المسيح لازم نتكلم فيها بلغة سهلة وبسيطة لأن فالمسيحية مفيش تعقيد والسيد المسيح نفسه كان بسيط ووديع



ومن هنا هنتكلم عن أول نقطة :
(1)أعداد الطريق :-
" صَوْتُ صَارِخٍ فِي الْبَرِّيَّةِ : أَعِدُّوا طَرِيقَ الرَّبِّ. اصْنَعُوا سُبُلَهُ مُسْتَقِيمَة " ( أنجيل متي 3 : 3 ، أنجيل مرقس 1 : 3 ، أنجيل لوقا 3 : 4 ، أنجيل يوحنا 1 : 23 ، أشعياء 40 : 3 ) . لازم تكون نظيف وتبعد عن تصرفاتك الغلط ، غير نفسك تغير روحي لآن الرب روح وهو اللي بيعرفك أزاي تمشي فالسكة من البداية .. والبداية هنا فأعداد الطريق أنك تدخل فمعمودية التوبة " لكن أغتسلتم ، بل تقدستم ، بل تبررتم بأسم الرب يسوع وبروح إلهنا " ( 1 كو 6 : 11 ) . وعلشان تعيش مع ربنا وتنال التقديس دة اللي بدونه لن تري الرب أبداً .
القداسة تيجي لما تحط القدوس جواك والكنيسة بتديلك القدوس فالمعمودية علشان هو اللي لو عملت الخطايا بيبكتك عليها ولو أداك ضعفات بيرجعك .
" ومتى جاء ذاك يبكت العالم على خطية وعلى بر وعلى دينونة " ( يو 16 : 8 ) . والروح اللي جوانا هنا له دور علشان نقدر نعترف اللي بيعترف بخطاياه بيرحم ومن يكتمها لا ينجح ، " من يكتم خطاياه لا ينجح و من يقر بها و يتركها يرحم " ( أم 28 : 13 ) . ولنا شفيع عند الله الأب ودمه يطهرنا من كل خطية .
" و دم يسوع المسيح ابنه يطهرنا من كل خطية " ( 1 يو 1 : 7 ) .
طريق المسيحية سهل بقوة ربنا اللي بنأخدها فمعمودية التوبة وبكدة ميسيطرش علينا العالم بأغرائته ولا الشيطان بتخوفيه لأن لنا مدينة عظيمة مؤسسها وبرئها الرب لأن لنا الملكوت السماوي .

(2)أستهين بالخزي والعار :-
زي السيد المسيح أستهان بالصليب وآلامه .
" لذلك يسوع أيضا، لكي يقدس الشعب بدم نفسه ، تألم خارج الباب "
( عب 13 : 12 ) . فأن السلوك مع السيد المسيح هو السلوك من أجل السرور الموضوع أمامه مستهيناً بالخزي . " ناظرين الى رئيس الايمان و مكمله يسوع الذي من اجل السرور الموضوع امامه احتمل الصليب مستهيناً بالخزي " ( عب 12 : 2 ) " فأني أحسب أن آلام الزمان الحاضر لا تُقَاسُ بِالْمَجْدِ الْعَتِيدِ أَنْ يُسْتَعْلَنَ فِينَ " ( رو 8 : 18 ) .

(3)نتغير عن سلوكيات العالم :-
لما نتغير عو سلوكيات العالم يعرفون أننا تلاميذ للسيد المسيح وهتكون لينا سلوكيات روحية بمحبة وهي دي سلوكيات السمائيين : * نشتم فنبارك * نضطهد فنحتمل * لايحلفون ولا يكذبون ماشين بكلمة الكتاب : " لِيَكُنْ كَلاَمُكُمْ: نَعَمْ نَعَمْ، لاَ لاَ. وَمَا زَادَ عَلَى ذلِكَ فَهُوَ مِنَ الشِّرِّيرِ " ( مت 5 : 37 ) . * لاتجازي عن شر بشر ولا الشتيمة بالشتيمة ،" لاَ تُجَازُوا أَحَدًا عَنْ شَرّ بِشَرّ. مُعْتَنِينَ بِأُمُورٍ حَسَنَةٍ قُدَّامَ جَمِيعِ النَّاسِ " ( رو 12 : 17 ) .

(4)يعيش في سلوك روحي :-
الأنسان المسيحي يبارك ولا يلعن يضطهد ويحتمل . الأنسان المسيحي تخرج من شفاه دهناً محرقاً وعسلآ * كلامه للبنيان كلامه مصلح كالملح في مذاق الطعام . زي ما بيقول كدة في سفر نشيد الأنشاد : " قد دخلت جنتي يا أختي العروس قطفت مري مع طيبي أكلت شهدي مع عسلي " ( نش 5 : 1 ) .
ولما يعيش الأنسان المسيحي فالسلوك الروحي دة بيعلن كدة أنه أبن للسماء وأبن لله . هتكون حياته مفهاش خصام ولا تعب . حياته مليانه سلام لأن ربنا يسوع المسيح جاء ليعطي سلاماً علي الأرضمنذ مجيئه وهتفت الملايكة قائلة :
" المَجدُ للهِ في الأعالي، وعلَى الأرضِ السَّلامُ، وبالناسِ المَسَرَّةُ " ( لو 2 : 14 )
وطول ماأنت عايش في سلام هتأخد البركة " الرَّبُّ يُعطي عِزًّا لشَعبِهِ. الرَّبُّ يُبارِكُ شَعبَهُ بالسَّلامِ " ( مز 29 : 11 ) .
وهنتعزي ومش هنخاف " سلامًا أترُكُ لكُمْ. سلامي أُعطيكُمْ. ليس كما يُعطي العالَمُ أُعطيكُمْ أنا. لا تضطَرِبْ قُلوبُكُمْ ولا ترهَبْ " ( يو 14 : 27 ) .
وهنعيش في ثمر الروح " وأمّا ثَمَرُ الرّوحِ فهو: مَحَبَّةٌ، فرَحٌ، سلامٌ "
( غلا 5 : 22 ) .
وبأكد عليكوا تاني عيشوا كسفراء للسيد المسيح علي الأرض وأسلكوا في السلوك الروحي للسمائيين " اصنَعِ الخَيرَ. اطلُبِ السَّلامَةَ، واسعَ وراءَها "
( مز 34 : 14 ) .. لو نفذنا وعشنا الأربع خطوات دول هنتعلم ونعيش صح مفهوم بدء أنجيل ربنا يسوع المسيح ..

الرب يعطي الكلمة لنيافته دائماً عند أنفتاح الفم
....+++ آمـــــــــــــــــــــــيــن +++ ....