النظرات .

[فرونكا]

فى انواع كتير من النظرات ... سواء انت بتنظرها لحد او حد تانى بينظرلك بيها ...

تعالى عد
1 . نظرة صفاء :
ةدى بتبقى عند الاطفال

2 . نظرة حنان :
ودى من ام لاطفالها

3 . نظرة محبة :
بتظهر ف الاجواء الاسرية ف ساعه الصفا بين افراد العيلة

4 . نظرة ادب:
ودى الام بتبص لطفلها علشان تعلمه الادب

5 . نظرة غيظ :
ودى لم بتكون متعاظ من حد من اخواتك او حد من اصحابك

6 . نظرة هوريك :
ودى بقى لم بتكون متغاظ وشايل ذله للطرف التانى مع مسك الدقن

7 . نظرة استهتار :
ودى بقى لم بتحب تغيظ اللى قدامك وتستهيفه

8 . نظرة استخفاف :
ودى لم بتحب تصغر حد قدام الشله

9 . نظرة كبرياء :
ودى لم بتحس نفسك مميز عن حد من اللى معاك او انك شايف انك احسن من اللى حواليك

10. نظرة احتقار :
ودى اكيد بتظهر لم بتحس ان اللى انت فيه اقل بكتير من الامكانيات المتاحة ليك

11. نظرة اعجاب :
ودى لم بتكون معجب بشخصية مع مختلف الانواع بحاجة معينه او اكتر

12. نظرة احباط :
ودى نظرة ممكن تحسها ف عين اخر عاوز يحبطك

13. نظرة تشجيع :
ودى ممكن تتحس فيك او ف اللى قدامك بيحثك على انك تكمل المشوار

14. نظرة شوق :
ودى بتحسها لم بتكون بعيد عن احبابك فترة كبيرة ومشتاق ليهم

15. نظرة عتاب :
ودى بتكمن عن محبة جوا الاطراف اللى بتتعاتب

16. نظرة ملل :
ودى نظرة بتدل على اعتياد الموقف والملل من تكراره

17. نظرة الم :
ودى نظرة نابعه من شخص متالم من جواه ومش بيتكلم

18. نظرة دموع :
ودى ممكن تتحس وانت بتكلم ربنا

19. نظرة رجاء :
ودى نظرة فيها دلاله على اللى انت بتبصله وبترتجى منه

20. نظرة حب :
ودى نظرة بتخلى الوش والملامح بيبقى عامل زى القلب ♥

21. نظرة كراهيه :
ودى نظرة مليانة نار من جوا العين ممكن لو طالت تحرق صاحبها قبل اى حد تانى

22. نظرة سماح :
ودى بتكون من شخص بيسامح اللى قصاده

23. نظرة النهااية :
ودى نظرة بتكون اقسى من اى نظرة وهى الانفصال بين اى طرفين

يمكن دى تكون بعض انواع النظرات اللى جت ف بالى
بس حبيت اوضح ان كل دى نظرات ... لكن ف الاخر هو عضو واحد "العين"

بالرغم انها مصدر واحد ... لكن بينبع منه حاجات كتير جدا ... منها اللى بيفيد ومحبوب ومنها اللى بيضر ومكروه]