منطقيا هو ميت بس بصلاتنا قادر ربنا يحييه

[بنتك يايسوع]

منطقيا هو ميت بس بصلاتنا قادر ربنا يحييه




انا مش عارفه ابدا كلامى ازاى ولا لاقيه كلام يتقال بجد
بس انا بترجاااااااكم تصلوا معايا وبسرعه اووووووووى بجد
من اجل ولد اسمه سيفين لسه يادوب فى 3 اعدادى
الولد ده من حوالى شهر اشتكى من بطنه مغص عادى راح للدكاتره
قالوا مفيش اى حاجه وهو تمام جدا اتكرر التعب ده مرتين والدكاتره نفس الكلام
لحد ما جه من 3 ايام ومبقاش قادر يسند طوله ولا يتكلم خالص
وبرغم شدة المه الا انه صمم تصميم غريب انه يحضر القداس امبارح
هو شماس وبسم الصليب عليه علاقته جباره بربنا والعدرا ومنتهى البرائه
راح يا عيني القداس مقدرش يقاوم وقع فى الهيكل ومنطقش من ساعتها
هو فى غيبوبه تاااااامه مفتح عنيه بس مش حاسس باى حاجه خالص حواليه
راح المستشفى ولكل الدكاتره الغريبه ان الكل بيقول معندوش حاجه
عايزة اقولكم ان الولد ده ابوه مات من كام سنه وهو بيبنى كنيسة العدرا
مامته مش حيلتها غيره هو واخته لسه صغيره واللى مشفتش ابوها
الولد ده هو كل حياة مامته واخته ملهمش غيره فى الدنيا بعد وفاة والده
فى نظر الناس والدكاتره الولد ميت بس بصلاتنا نقدر نحنن قلب ربنا
وانا عمرى ما هنسي صلاتكم وقت مرض السرطان
لكن ربنا عمل المستحيل وشفاه وغير كل التوقعات
ارجووووووووووووكم اذكروا اسمه كتييييييييير اليومين دوووول
وانا واثقه ان يسوع اللى اتحنن على ارمله نايين واقام ابنها من الموت
قادر يتحنن على ارملة الراجل اللى مات وهو بيبنى كنيسة امه ويشفيه ويقيمه هو كمان
ارجووووووووووووووووووووووكم مش عايزاها صلاه فى تعليق هنا على الموضوع
ولا يهمنى انكم تعلقوا خالص لكن الاهم عندى تذكروه فى صلاتكم
اسمه سيفيــــــــــــــــــــــــن

[روشا الفرفوشه]

ربنا معاه ويشفيه يا رب ببركه ام النور والباب شنوده والابنا كاراس

[ناردين]

اكيد صلاتنا من اجله وقلوبنا ايضا الرب قادر وهو يستطيع امين
ربنا يشفيه ربنا قلبه طيب وحنين يرب يسوووووووووع

[Magdy Monir]

ربنا يمد أيده ويعطيه الشفاء
ببركة هذا الصوم المقدس
وببركة وشفاعة القديسة العذراء مريم
والقديس البابا كيرلس السادس

[كوجى عزت]

يارب تمجد لاجل اسمك القدوس في شفاء ابنك سفين

لاجل خاطر ها الايام المقدسة

وبركة ام النور

وابونا سمعان الانبا بولا والانبا مينا

يشفوا عنه

[بيدو توما]

فلنا شفيع عند الآب يسوع المسيح البار 1 يو 2: 1
سيدي ومولاي وربي يسوع المسيح لك نرفع الطلبات
بأسم ربي وسيدي يسوع المسيح الناصري وبإماني
الذي أحمله في كل قطرة دم تجري في عروقي أطلب بشفاء
سيفين من كل مرض ظاهر ومخفي وأن يتعافى وتعطي له روح جديدة
باسم الرب يسوع المسيح القادر على
كل شيء وأن يعيش سيفين بين العائلة سالماً معافى...
أشكرك يارب لعملك مع سيفين وشفائه الكامل آمين.

[Ebn Barbara]

ربنا معاهوبرباره تشفيه وتقومه بالف سلامه
وابقي طمنينا اول باول يامريم

[اوفا]

يارب يسوع من اجل شفاعة امك العدرا والصوم المقدس
تحنن على ابنك سفين واشفيه انت يارب قادر على كل
شئ ولايعثر عليك امر يارب

[Ramez5]

ربنا يتمجد ويشفيه
ويرفع عنه أى ألم وتعب
ليتمجد اسمك يارب
بشفاعة ام النور العذراء مريم وجميع القديسين والشهداء
أمين

[morcos20]

الغير مستطاع عند الناس مستطاع عند اللـــه ...الله قادر على كل شئ من أقام لعاذر من الموت يقيمه من هذا المرض .
+++
مرقس إســكندر مقار