محتاجه اترمى فى حضنك
ايوة
عاوزة ارمى نفسى فى حضنك
واعيط اعيط اوى
مش عارفه هعيط على ايه ولا من ايه
بس اللى اعرفه انى هعيط
عاوزة احس بالامان والسلام ويا الحنان
محتجالك
محتاجه اترمى فى حضنك واعيط
انت بس اللى هتحس بيا
انت بس اللى هتفهم نظره عنيا
انت بس اللى هتقف جمبى ومش هتسبنى لوحديا
انت بس يارب اللى معا احس بالامان
محتاجه لحضنك
محتاجه اعيط
انت بس اللى مش هتشمت فيا
تعالى افتحلى ايديك
وقولى حضنى مفتوح ليك
تعالى ارمى تكالك عليا
محتجالك
مش عارفه اجيك
مش عارفه اسكب نفسى امامك
ممكن يارب انت تجيلى
ممكن انت تاخدنى فى حضنك
طب ممكن بأيديك الحلوة تطبطب عليا
طب قولى اى كلمه حلوة تهون عليا
محتاجه ليك
محتاجه اسمع صوتك
واشهد ليك
محتاجه حضنك
محتاجه افرح عشان انا وياك
متسبني لهمومى تاخدنى
ولا لاحزانى تسجنى
ولا لخطيتى تقيدنى
خلينى حر طليق
بس امسك بأيديا لاروح بعيد
واوعى اتوه منك فى الطريق
محتاجه يارب لحضنك
محتاجه لايدك متسبنيش
