*لو جالك عريس متقوليش لحد من صحباتك ؛الحاجات دي بتتنظر وأنتي عارفه البنات عينيها وحشة
*لو واحدة من صحباتك جبتلك عريس إوعي تشوفيه أو توافقي عليه
لوكان عدل كانت خدته هي
*متفضحيش الدنيا أما يجيلك عريس أصبري شوية لما تمسكيه كويس هتزيطى لنفسك ع الفاضي وتتحسب عليكي خطوبة
*في أول مقابله لو لاقيتيه بيبص ف ساعته .. وشه إتخطف وبان عليه خيبة الأمل إعرفي إنك معجبتيهوش .. إسبقي إنتي وقولي إنك رافضاه؛ متخليش واحد زي ده يقول أنه مش عاوزك
*لو معجبتيش أكتر من واحد إوعي تحسي بالإحباط بكرة هيجي اللي أحسن منه
. الرجالة زي الأتوبيسات واحد عدّى التاني جاي وراه
*مهما كنتي وحشة متقلقيش فيه اللي أوحش منك وإتجوزوا
____________________
بعد الخطوبة
*بصي ..عذبيه.. الراجل يحب يتعذب البنت السهلة بيفكر فيها يومين ويدور على غيرها
*إوعي تقوليله بحبك أو عينيك عجباني الراجل ميحبش كدا
*بلاش زن ورنات تليفونات ورسايل حب وهيام دول عالم .... هيتغّر ويفتكر نفسه أحمد عز وهو زي ما إنتي شايفاه قومي بصي لصورته ع الموبايل
*خليكي زي فوزية إوعي يمسك إيديكي هيطمع فيكي ويفتكرك واحدة من إياهم ،يرضيكي واحد ملوش لازمة زي ده يفتكرك واحده من إياهم
سيبيه يرغي براحته وعدي الفشر اللي هيفشره عن البنات اللي دايبين في دباديب سيادته إعملي إنك مصدقاه مع أنك عارفه إنك لولا خايفة لا تبقي عانس مكنتيش قبلتي بواحد زيه
*إحترمي أهلك متغلطيش فيهم قدامه حتى لو كانوا بيئة
هيقول إذا كان أهلها بتعمل معاهم كده هتعمل معايا ايه؟ هيعملك فيها مصلح اجتماعي .. خليه على عماه
احنا ما صدقنا وقعناه :D
