الصبي الذي حرسه التمساح وفضح كذب الكهنة

[Mary Naeem]

الشهيد الشجاع أمساح القفطي.. الصبي الذي حرسه التمساح وفضح كذب الكهنة! 👑"
الكهنة الكدابين قالوا للوالي: "عش يا مولانا، مفيش ولا واحد في مدينتنا بيذكر اسم المسيح"، والوالي صدق وفرح ووزع هدايا..
لكن ماكنوش يعرفوا إن في "عيل" صغير قلبه مولع بنار ربنا، هيفضح كدبهم بدمه ويقلب الدنيا! 🩸🔥
قصة الشهيد العظيم **أمساح القفطي** مش مجرد سيرة بنقراها، دي ملحمة حب حقيقية تبكي العيون وتزلزل القلوب. 🙏
في مدينة قفط، الوالي الظالم "إريانا" جه يفتش على مسيحيين عشان يعذبهم، فكهنة الأوثان نافقوه وقالوله المدينة "نضيفة" من اسم المسيح.
الكلام ده وصل لمسامع صبي مسيحي بسيط اسمه **"أمساح"** (أو بويمساح). أمساح ده كان عايش مع أخته "ثيؤدورا" في بستان، بيشتغلوا وياكلوا ويِِِِديوا الباقي للمساكين. قمة البساطة والقداسة. ✨
لما أمساح سمع كدب الكهنة، قلبه اتعصر من الحزن. 💔 مش خوفاً منهم، لأ، ده غيرة على اسم المسيح اللي اتمسح بسب كدبهم، وحس إن سكوته اشتراك في الخطيئة وإن إكليل الشهادة بيضيع منه.
صلى بدموع، وفي نفس الليلة، ظهرله ملاك الرب وقاله: "قوم روح مدينة قاو، واعترف بالمسيح هناك، ومتخافش، أنا هكون معاك وعزاك". 😇
أمساح مصدقش، الصبح طلع، ركب المركب وراح قاو من غير ما يقول لأخته عشان ميكسرش قلبها.
وصل هناك، لقى الوالي بيعذب المسيحيين، فصرخ بأعلى صوته وبكل شجاعة: **"أنا مسيحي، بعبد الرب يسوع"**. 🗣️
الوالي اتهبل، إزاي عيل زي ده يتحداه؟ أمر بجلده قسوة غير عادية لحد ما جسمه بقى عبارة عن جروح بتنزف دم.. لكن مين كان جواه؟ رب المجد. الملاك نزل وشفاه وتمم وعده ليه.
تاني يوم، الوالي فقد الأمل، أمر بجلده تاني وتلييفه في حصير ورميه في النيل.. وهنا كانت النهاية الأرضية وبداية المجد السماوي. أسلم الروح ونال إكليل الشهادة في **16 كيهك**. 👑ربنا مبيسيبش أولاده، حتى بعد الموت!
تخيلوا.. ربنا سخر "تمساح" في النيل، مش عشان ياكل الجسد، لأ! التمساح سحب الحصير اللي فيه جسد القديس وفضل ماشي بيه مسافة طويلة لحد ما وصل لساحل مدينة "قفط" ورماه هناك بسلام! 🐊😲
الملاك ظهر لأخته وعرفها، والكهنة والمؤمنين جريوا على الساحل وشالوا الجسد بإكرام عظيم ودفنوه في بستانه، وبعد الاضطهاد ابنوا كنيسة باسمه كانت سبب بركة