|
 |
 |
 |
|
|
|
رقم المشاركة : ( 1 )
24 - 03 - 2026, 12:38 PM
|
|||||||||||
|
|||||||||||
|
يمّا،
يا أوّل دنيتي وآخر أمانيّي، يا حضن إذا ضاق فيني الكون بيصير أوسع من السما، كيف بدي احكي عنكِ… والحكي قدّامك بيوقف حيران؟ إنتِ مو بس أم، إنتِ العمر إذا صفا، والأمان إذا تعب القلب، والنور اللي ما بيخفت لو اشتدّ العتم. يمّا، كم مرّة كنتِ سندي وأنا مكسور، تخبّي وجعي بقلبك وتضحكي بوشّي، كأنك عم تحاربي الدنيا كلّها مشاني… وأنا ما بعرف. إنتِ دعوة ما بتخيب، وقلب ما بيعرف غير الحب، وروح كل ما تعبت برجع لعندها… وكأني رجعت ولدت من جديد. بهالعيد، ما عندي شي يوفيكي حقك، بس بدي قلك: لو كانوا بيعطوا العمر هدية… كنت عطيتك عمري كلو. كل عام وإنتِ النبض اللي بيحييني، والدعوة اللي بتحميني، والحب اللي ما إلو آخر يمّا، يا نَبضة قلبي اللي ما بتهدى، يا دفا أيّامي لو الدنيا بردت، إنتِ الحكاية اللي كل ما كبرت… كبرت معي أكتر. شو بدي احكي لحتى أوصّفك؟ وإنتِ التعب اللي ما بيبين، والعطا اللي ما بينحكى، والحب اللي ما إلو حدود ولا آخر. يمّا، كنتي دايمًا الضوّ لما تعتم الدنيي بعيوني، وكنتي القوّة لما ضعفت، وكنتي الحضن اللي بيردّ الروح لمكانها، كأنك وطن صغير… بس فيه كل الأمان. قديش حملتي همّي بصمت، وقديش خبيتي وجعك مشاني، وكنتي تقولي “أنا منيحة” بس لحتى تضلّني أنا منيح. بهالعيد، بدي قلك إنو كل شي فيني بيشبهك، حتى طيبتي… من طيبتك، وحتى صبري… من صبرك. الله يخليلي ياكي يا يمّا، وتضلي فوق راسي تاج، وضوّ بقلبي ما بينطفي، وكل عام وإنتِ كل العمر يمّا يا اللي نـسجتي من سـنينك دفا وعـطيتي من روحك.. بـحور الوفا ياما حـملتي التـعب.. فوق الكتاف وقـلتي: "يا ابـني.. لا تـخاف الجفا" تؤبري قلبي.. يا صـبّارة الدار يا اللي سـهرتي.. والـمدى أسـرار جـوعتي لـنشبع.. وعـطشتي لـنرتوي وخـبيتي بـصدرك.. لـهيب الـنار يا شـمعةٍ ذابت.. لـيضوي طـريقنا يا مـرساة الأمـان.. بـغرق ضـيقنا يـبست عـروقك.. لـتخـضّر غـصوننا وصرتي انتي الفـرح.. بـعزّ حـريقنا بـوسة قـدمـك.. هيّي عـيدي الكـبير يا مـلكةٍ.. مـالك بـهالدني نـظير الله يـخلّيكي.. يا بـركة العـمر ويا طـهر الـدعا.. بـالوقـت العـسيرâ¤�� التعديل الأخير تم بواسطة حياة بالمسيح ; 24 - 03 - 2026 الساعة 12:56 PM 
|
العرض المتطور