|
 |
 |
 |
|
رقم المشاركة : ( 1 )
29 - 01 - 2026, 08:22 AM
|
|||||||||||
|
|||||||||||
|
النهاردةهنتكلم عن بطلة علّمتنا إن "كلمة الأم هي اللي بتبني بطل" 👩👦👦❤️ "الست حنة" (أم السبعة شهداء) لما بنسمع عن الحروب والمكابيين، بنفتكر السيوف والجيوش.. لكن النهاردة هنتكلم عن "أم" كانت هي الجيش الحقيقي اللي ساند ولادها السبعة وهما بيواجهوا الموت. البطلة اللي علمتنا إن الست "بطلة ظل" بجد لما تزرع في ولادها الإيمان لدرجة إنهم مبيخافوش من ملك ولا جلاد. وقبل ما نبدأ... حكايتنا جاية من "سفر المكابيين الثاني" (الأصحاح السابع) وهو من "الأسفار القانونية الثانية". وبالمناسبة.. نفسي بجد تقرأوا الأسفار القانونية الثانية دي، فيها كنوز وبركة ودروس تخليك تشوف إيد ربنا وهي بتسند شعبه في أصعب الأوقات، بجد هتفرق معاكم جداً! يلا بينا نشوف حصل إيه.... تخيل معايا المشهد.. الملك "أنطيوخس" عايز يكسر إيمان السبع إخوات، وبدأ يعذبهم واحد ورا التاني قدام عين أمهم. أي أم تانية كانت صرخت أو قالت لولادها "يا ابني اسمع كلام الملك وعيش" لكن حنة كانت بتشجعهم بكلمات كلها قوة وفخر. الآية اللي بتلخص حالتها وبطولتها بتقول إيه؟ 👇🏻 «وَكَانَتْ حِينَ تَرَى بَنِيهَا السَّبْعَةَ يَهْلِكُونَ فِي يَوْمٍ وَاحِدٍ، تَحْتَمِلُ ذلِكَ بِعَزِيمَةٍ صَالِحَةٍ، لِرَجَائِهَا فِي الرَّبِّ.» (سفر المكابيين الثاني 7: 20) شوف العزيمة الصالحة دي.. كانت واقفة في ضهرهم بطلة ظل حقيقية. ولما جه الدور على "أصغر ولادها" الملك افتكر إنه لو ضغط عليها هتخاف على ابنها الصغير وتخليه يتنازل. لكن هي عملت إيه؟ قربت من ابنها الصغير وقالت له كلام يخليه "راجل" وهو لسه طفل، فكرته إن ربنا اللي خلقه هو اللي هيجازيه في الآخر، وقالت له الآية اللي هزت المملكة كلها: 👇🏻 «لاَ تَخَفْ مِنْ هذَا الْجَلاَّدِ، بَلْ كُنْ مُسْتَحِقًّا لإِخْوَتِكَ، وَاقْبَلِ الْمَوْتَ لِكَيْ أَنَالَكَ مَعَ إِخْوَتِكَ فِي وَقْتِ الرَّحْمَةِ.» (سفر المكابيين الثاني 7: 29) دي البطولة اللي بجد.. أم مش بتفكر في "حضن ابنها" دلوقتي، لكن بتفكر في "مكانه في السما" بعدين. فضلت سنداهم بصلاتها وتشجيعها لحد ما آخر واحد فيهم استشهد ، وفي الآخر انضمت ليهم هي كمان. قصة حنة بتقولنا النهاردة... إن الأم مش بس اللي بتأكل وبتلبس، الأم بطلة ظل لما تطلع رجالة عندهم مبدأ ومبيخافوش غير من ربنا. ربنا عاوز يقولك من خلالها.. إن الكلمة اللي بتزرعها في ولادك في "السر" والبيوت المقفولة، هي اللي بتبان في "العلن" وقت الشدة. بطولتك يا ست الكل في تربيتك الأمينة. أبطال_الظل حنة_أم_السبعة_شهداء سفر_المكابيين_الثاني الأسفار_القانونية_الثانية 
|
 |
| أدوات الموضوع | |
| انواع عرض الموضوع | |
|
العرض العادي
