|
 |
 |
 |
|
رقم المشاركة : ( 1 )
27 - 12 - 2025, 11:09 PM
|
|||||||||||
|
|||||||||||
|
ممكن تبقى صغير في عين نفسك ومهمَّش في نظر الناس، زى جدعون بالظبط… شاب بسيط، من أصغر سبط، ومن أضعف بيت ، وبيستخبى وهو بيدرس القمح خوفًا من المديانيين. لكن ربنا شاف فيه حاجة محدش شافها، وقال له: “الرب معك يا جبار البأس”… كلمة ماكانتش شبه واقعه، لكنها شبه نظرته الإلهية لحياته. ربنا بيشتغل مع الإنسان مش على أساس مكانته، ولا سنه، ولا قيمته في نظر المجتمع… لكن على أساس قلبه واستعداده إنه يكون بإيد ربنا. وجدعون مثال حي إن ربنا يقدر يرفع شخص شايف نفسه قليل ، ويعمل به معجزات تخلّي العالم كله يتأكد إن القوة من فوق مش من الإنسان. جدعون، اللي كان خايف ومستخبي، ربنا خلّاه قائد لمعركة جبارة، وانتصر بجيش صغير جدًا عشان الرسالة تبقى واضحة: “مش بكتر العدد… لكن بقوة الله العاملة فيك.” فاللي شايف نفسه صغير… افتكر إن ربنا قادر يكبّرك. واللي حاسس إنه مهمّش… ربنا يعرف يطلّع من الهامش قادة وأبطال. المهم بس تسلمّه قلبك، وهو هيكمّل الصورة. 
|
 |
| أدوات الموضوع | |
| انواع عرض الموضوع | |
|
العرض العادي
