|
 |
 |
 |
|
رقم المشاركة : ( 1 )
22 - 12 - 2025, 09:08 AM
|
|||||||||||
|
|||||||||||
|
مش كل اللي بيتعبوا ناس ضعيفة… فيه ناس بتتعب لأنها بتحاول تتغيّر بجد. بتقع… تقوم… وتكمّل، ويمكن مش شايفة نتيجة دلوقتي، بس اللي جاي تثبيت وراحة. فيه ناس بتقرب من ربنا علشان بتحبه، مش علشان واجب، ولا علشان يريّحوا ضميرهم… دول اللي بيلاقوا سلام حقيقي. فيه ناس قلبها شبعان، عارفة تفرح لغيرها، ولا بتقارن، ولا بتحرق نفسها بالغيرة… الراحة اللي جواهم باينة في عينيهم. فيه ناس بتدي وقتها، وتسمع، وتسند، حتى وهي موجوعة… واللي بيعملوه ده، مش بيضيع… دا بيترد أضعاف من عند ربنا. فيه ناس لسه ماسكة في الحلم، رغم الفشل، ورغم اليأس، ورغم إن الطريق طويل… لأن من غير حلم، الحياة ملهاش طعم. وفيه ناس قررت تبعد عن الزحمة، وسابت حرب الظهور، وبطلت تجري ورا المدح… اختارت الهدوء، واختارت السلام. وفيه ناس بتخدم بحب، مش نشاط، ولا صورة، ولا لقب… بتخدم لأن قلبها حي. فيه ناس قللت شاشة، وقرّبت من البشر، وبقت تفهم المشاعر من نظرة عين… دول اللي داقوا طعم العِشرة بجد. وفيه ناس لسه ماسكة في ربنا، وسط عالم بيشكك، وبيسخر، وبيشجع علي البعد عن ربنا … بس هما عارفين إن اللي ماسك في ربنا ربنا ماسك فيه أكتر. دول ناس حقيقيين… ناس بتغلط وبتقوم… بتحب وبتتعب… بس مكملة. ودول اللي ليهم مكان عند ربنا ومش أي مكان. 
|
 |
| أدوات الموضوع | |
| انواع عرض الموضوع | |
|
العرض العادي
