اخر افتكاسة .. ويندوز 2013 باللغة العامية
افتكاسة جديدة اراد من خلالها شبابنا على الفيس بوك ان يكسر من حدة الاحداث المعقدة التى تدور فى مصر هذه الايام , فقام أحدهم بابتكار نموذج لويندوز مصرى 2013 باللغة العامية ..
الفكرة رائعة جدا ، ولو اشترك جميع المصريين فى تطويرها وإضافة بعض التعديلات ستكون عندنا نسخة ويندوز " معتبرة " ، يعنى مثلا لو وصلت فلاشة او طابعة " غير متعرفة " يكتبلك " انا مش شايف الفلاشة ولا كيبورد ولا طابعة ولا ماوس .. انا اتعميت ولا إيه" او يقولك " انا يا برنس حاسس ان فى حاجة اتركبت فى الخباثة ممكن تكون ماوس او طابعة وممكن تكون شاشة " , او "ايه ده اخيرا حنيت على نفسك واشتريت طابعة , تحب اعملك زفة "
ولو مثلا حد قفل الكمبيوتر بطريقة غلط على طول هتلاقى رسالة بتقول لك " اخوك الصغير كان بيلعب هنا وانت مش موجود وانا بقى هلاقيها منك ولا منه " , واوقات كده الكمبيوتر " بيرخم " من غير سبب ، ووقتها ستطلع رسالة تقولك " شكلك النهاردة مش عاجبنى وماليش مزاج اعبرك يلا روح نام "
ولسه .. نحن قادمون ايها اليابانيون.. واى حد عنده اقتراحات لتطوير النسخة يتفضل.
02 - 10 - 2012, 05:13 PM
العرض الشجري