قارن عمقك

[walaa farouk]

عمرك ما كنت تقيس نجاحك بسرعة اللي وصلت بيها،
السرعة تخدع، لكن العمق… هو اللي يغيّرك فعلاً.

في ناس وصلت قبل الكل، بس ما فهموش هما وصلوا ليه،
وفي ناس مشيت بالراحة ، وقلبها اتشكل في كل خطوة،
دموعهم علّمتهم، وصبرهم قوّاهم،
وكل تجربة مرّوا بيها غرست فيهم جذر أعمق
، عشان لما يوصلوا… ما يقعوش.

ربنا مش مستعجل على وصولك،
ربنا عاوز يشكّلك، يعمّقك، ينضّجك،
عشان لما توصّل تبقى مستعدّ للبركة اللي جاية.
كل تأخير مش عقاب… ده تجهيز.
وكل لحظة تقيلة… هي حجر في أساس صلب
وجميل ربنا بيبنيه جواك.

فمتقارنش سرعتك بحد،
قارن عمقك… لأنه هو اللي هيفرق في الآخر.