|
 |
 |
 |
|
رقم المشاركة : ( 1 )
18 - 12 - 2024, 09:15 AM
|
|||||||||||
|
|||||||||||
 قصر النظر الشديد بيخلينا نخدم الله الخدمة اللي احنا بنكون فيها مسيطرين على الامور و عارفين اولها من اخرها و تكون كل عناصر خطة العمل كلها معنا لكن دي مش طريقة ربنا ابدا. الملاك لما كلم القديسه العذراء مريم و قالها انك حُبلى بعمل الروح القدس ، دي معجزه ولا تخطر على بال احد لكن الله واخد قرار انك تكوني جزء اساسي من كتابة تاريخ هايغير طريق البشريه كلها؟ تقبلي يا مريم؟ تقبلي استخدام الهي عظيم ماحدش يتخليه؟ و كان رد الجميلة الرائعه المتواضعه انها ها انا عبدة الرب. تواضعها كان حقيقي ماكانش كبرياء مقنع ، ماقالتش انا عايزه استخدام الهي عادي ابقى انا كبيره فيه و عارفه اوله من اخره. لكن تواضعها الرهيب خلاها زي الوديان اللي تحت الجبال اللي بتاخد كل المياه من اعالي الجبال تقبل النهارده ان اللي ملأ رحمها بنفسه انه يملاك انت ايضا بروحه القدوس؟ تقبل النهارده ان تكون واد منخفض يتكلم عنك يوحنا المعمدان و يقول لك كل واد يملتئ ؟! (لو3: 5) تقبل انك ماتكانش انت حاكم كل الامور و تكون متكل بالكامل على الهك؟ تقبل النهارده تقوله يارب انا عبدك و ليكن لي كقولك تقبل تقوله تكلم يارب لا عبدك سامع؟ تقبل تمشي في خطة انت مش عارف اخرها فين؟؟ خطة مش متعود عليها و مش انت السيد و الرئيس فيها لكن بس انت عبد للسيد؟ تقبل مِن مَن يصنع التاريخ ان يصنعك و يصنع بيك امر له اثر و معنى في التاريخ؟ تقبل تأثير حياتك يكمل بعد نهاية حياتك؟ 
|
 |
| أدوات الموضوع | |
| انواع عرض الموضوع | |
|
العرض العادي
