ان لم ترجعوا وتصيروا مثل الاطفال لن تدخلوا ملكوت السموات

[Mary Naeem]

ان لم ترجعوا وتصيروا مثل الاطفال لن تدخلوا ملكوت السموات





اسمها سيمون

سيمون عندها10 سنوات
الميس: شوفوا يا اولاد احنا لازم واحنا صغيرين نقدم نفسنا لربنا يعنى كلنا على بعضنا ملك لبابا يسوع
مش احنا بنقول انا يا رب ملك ايدك
مين يقولى زى مين؟؟؟؟؟
ابرام: ايوة يا ميس زى القديس ابانوب
الميس : برافو يا ابرام

الميس عماله تكلم اولادها فى الفصل على اننا نعطى نفسنا وكل ما نملك لربنا
وتقول وتزيد

لكن فى بنت اسمها سيمون مركزة جدا مع الميس بتاعتها
سيمون: يا ميس طيب واللى مش معاه شئ يعمل ايه
بابا ميت
وماما كل يوم بتعطيلى 50 قرش
ادفعها لربنا

الميس احتارت وقالت: لا يا سيمون مش كل يوم يوم مدارس الاحد بس
يعنى يوم الجمعة

المهم

الميس قالت لسيمون تدفع مصرفها يوم الجمعة بس


يوم الجمعة العظيمة
ماما ماكنش معاها فلوس
سيمون: ماما انا عاوز 50 قرش بتاعت بابا يسوع بتاعت يوم الجمعة
ماما: معليش يا سيمون الجمعة ديه مش معايا ممكن الجمعة اللى جايه ندفع الاثنين
سيمون: بابا يسوع يزعل يا ماما
ماما : لا يا حبيبتى مش بيزعل من اللى ماعهوش

المهم

سيمون راحت الكنيسة

ويوم الجمعة العظيمة
وسيمون كانت مع الميس بتاعتها


وكان فى واحد شماس بيلف بطبق البخور على الشعب كعادة يوم الجمعة العظيمة

سيمون اخذت بخور من الطبق زى كل الناس

وبعد شويه جيه شماس تانى بطبق بيلم تبرعات
سيمون مش معاها وحسه انها مقصرة
المهم

الميس دفعت

وسيمون مش معاها

الشماس عدى سيمون الطفلة
لكن سيمون
قال للشماس تعالى

الشماس افتكر ان سيمون هتدفع فلوس
رجع ووقف قدام سيمون


سيمون عملت شئ عجب

عجب من عجب

سيمون مسكت طبق الفلوس والشماس مسكه
وفضلت تنزل الطبق لتحت لتحت
والشماس مستغرب

لحد ما وصل الى الارض

الشماس ليسه هيزعق ليسمون

بس اتسمر مكانه

من اللى عملته سيمون

والطبق على الارض
وقفت سيمون على طبق الفلوس!!!!!!!!!!!

!!!!!!!!
وقالت: يا رب انا مش معايا فلوس اقبلنى يا ربى بدل الفلوس زى ما الميس قالتلى


اتسمر الشماس من الموقف وكل اللى حواليها كمان اتسمروا حتى الميس ما كنتش مصدقه

[فرونكا]

ميرسى كتير ربنا يباركك

[Mary Naeem]

شكرا على المرور الجميل