الحضن هو اللى هقبل بيه منك ربنا

[walaa farouk]

الصورة دى اثرت فيا اوى
معرفش الموقف
بس تخيلت !!!

تخيلت ان الطفل ده شقى محتاج يتشاف ف اتحضن
وتخيلت ان الطفل ده زهقان ف اتحضن
وتخيلت ان الطفل ده حزين ف اتحضن

انا مفيش حاجه بتاثر فيا اد حضن الكنيسه
بشوف الكنيسة ام بتحضن
بشوف ابونا اب بيحضن
بشوف الخادم و الخادمة اخ واخت بيحضنو
الحضن هو الممر اللى هناخد منه تسليم روحى ايمانى عقيدة
الحضن هو اللى هقبل بيه منك ربنا
من غير الحضن مش هقبل منك حاجه
ولا حاجه
هو الحضن
الخاطى مش هيرجع غير بحضن
الخادم مش هيخدم بقوة غير بحضن
الطفل مش هييجى الكنيسة غير هو حاسس بالحب
الحضن بمعناة الجسدى والنفسى هو المحبة الحقيقة
ولما نتكلم عن المحبة يعنى بنتكلم عن الله

الله محبة

"أَمَّا الآنَ فَيَثْبُتُ: الإِيمَانُ وَالرَّجَاءُ وَالْمَحَبَّةُ،
هذِهِ الثَّلاَثَةُ وَلكِنَّ أَعْظَمَهُنَّ الْمَحَبَّةُ." (1 كو 13: 13).