|
 |
 |
 |
|
رقم المشاركة : ( 1 )
04 - 07 - 2024, 04:39 PM
|
|||||||||||
|
|||||||||||
 كان عندى كوبايه قهوه ليها اكتر من ١٠ سنين ، اخدتها هديه من حد عزيز قوى عليا ، من حوالى إسبوع كدا وانا بغسل الكوبايه اتزحلقت من ايدى اتشرخت ، شرخ خفيف .. اتعكننت قوى لان بالنسبالى القهوه لو مش فى الكوبايه دى ماتبقاش قهوه ، لدرجة انى لو فى مشوار بره وهاموت واشرب قهوه مابشربش ممكن اشرب نسكافيه بلاك ، اسبرسو لكن قهوه فى الكوبايه دى وبس ... دخلت على النت عشان اشوف مشكلة الكوبايه واحاول اصلحها لاقيت لازق من امازون امريكا سعره حوالى بالمصرى ٦٠٠ جنيه ، طلبته وجبته ، والحمدلله اشتغل معايا كوبس والكوبايه رجعت زى الاول ... جيت اشرب فيها قهوه اول ما صبيت الكانكا لاقيتها طرشقت وبقيت نصين ... الخلاصه اللى عاوز اقولها .. اللى قال ان اللى اتكسر مستحيل يتصلح ماكنش بيهزر ولا قالها من فراغ .. ماينفعش تكسر قلب حد بيحبك، وتصدمه فيك ، او تتخلى عنه فى اشد وقت محتاجك فيه .. وبعدين تندم وتتأسف وتعتذر وتعمل المستحيل عشان يرجع زى الأول ، هو ممكن ظاهريا ممكن يبان زى الاول لكن مع اول خبطه تلاقيه اتكسر نصين .. حافظوا على الناس اللى بتحبوهم لأن كسرة القلب حقيقى ما بتتصلحش .. والكلمه اللى بتتقال مستحيل تننسى .. 
|
 |
| أدوات الموضوع | |
| انواع عرض الموضوع | |
|
العرض العادي
