يابخت اللى عايز يسمع ويقبل

[walaa farouk]

قد ايه الرب جميل انه هو صاحب كل الكرامه و القدرة و العزه و السلطان
و هو بقدرته يصنع الامر العجيب مع القديسه العذراء مريم. يقولها قوة العلي تظللك...
رغم انه ماكانش فيه اي علامات رهيبه مبهرة لقوة الله اللي بتظللها
لكن الله بيتحرك بهدوء معاها و يصنع امر رهيب جدا في حياتها..

وَهَا أَنْتِ سَتَحْبَلِينَ وَتَلِدِينَ ابْنًا وَتُسَمِّينَهُ يَسُوعَ.
هذَا يَكُونُ عَظِيمًا، وَابْنَ الْعَلِيِّ يُدْعَى، وَيُعْطِيهِ الرَّبُّ الإِلهُ كُرْسِيَّ دَاوُدَ أَبِيهِ،
وَيَمْلِكُ عَلَى بَيْتِ يَعْقُوبَ إِلَى الأَبَدِ، وَلاَ يَكُونُ لِمُلْكِهِ نِهَايَةٌ».

الله قدوس مهوب و في الابدية هانهتف لاسمه نقوله قدوس قدوس قدوس
لانه كامل جدا في كل صفاته.. و كامل جدا في هدوئه و تواضعه و قبوله
انه يجي مولود من العذراء مريم عشان يكون ملكه على بيت يعقوب اللي هو الكنيسه النهارده
و عشان يكون لملكه على حياتنا بلا نهاية
الله عايز يظهر ليك قد ايه هو قدوس رغم الضلمه و اللخبطه اللي بتعاني منها دلوقتي
رغم الظروف الصعبه اللي بيمر بيها العالم،و اللي انت شخصيا بتمر بيها
هو عايز يتكلم ليك و يظهر قد ايه هو قدير في حياتك
و يكون الناس بتعرف كمان انه هو قدوس من خلالك.
فَأَجَابَ الْمَلاَكُ وَقَالَ لَها: «اَلرُّوحُ الْقُدُسُ يَحِلُّ عَلَيْكِ، وَقُوَّةُ الْعَلِيِّ تُظَلِّلُكِ،
فَلِذلِكَ أَيْضًا الْقُدُّوسُ الْمَوْلُودُ مِنْكِ يُدْعَى ابْنَ اللهِ.

الرب يسوع المسيح مش محتاج يلفت انتباه الناس و يخليهم يتبهروا بيه
عشان يوصل رسالته ليهم، لكن بالعكس هي رسالته واضحه جدا
بس للي عنده استعداد يركز معاه و و ظاهره جدا للي يهدي نفسه
و يسيب الله يدخله للعمق عشان يفهم و يتعلم اكثر
يَا رَبُّ، إِنَّ رَحْمَتَكَ فِي السَّمَاوَاتِ، وَأَمَانَتَكَ تَبْلُغُ الْغُيُومَ. 6عَدْلُكَ ثَابِتٌ مِثْلُ الْجِبَالِ الشَّامِخَةِ،
وَأَحْكَامُكَ كَالْعُمْقِ السَّحِيقِ.
تعاملات الله معانا مالهاش حدود و يبخت اللي يبقى عايز يسمع الله
و يقبل الميشيئة اللي ربنا قاصدها في حياته و اللي هي هدفها انك تبقى شبه ربنا
– كونوا قديسين كما ان اباكم قدوس.
لو خايف و بتعدي بوقت صعب و مش عارف تسمع ربنا- ادخل مخدعك
و افتح كلمته و اسأله انه يكلمك و يحكيلك عن نفسه
لانه قدوس و عايز يحيكلك عن العمل اللي عايز يعمله في حياتك.