يونان فى مهمة رسمية

[Mary Naeem]

يونان فى مهمة رسمية
يونان : اهل نينوي بلدكم ها تنقلب بعد أربعين يوم لو ما رجعتوش لطريق ربنا وتبتم
شاب:ليه يا ابونا يونان
يونان:شركم زاد اوى
رجل:نعمل ايه يا ابونا علشان ربنا يتحنن علينا
يونان :توبوا ...توبوا يا اهل نينوى
الملك :أجمعوا بسرعة اللي في القصر والناس كلها
قائد :خير ياجلالة الملك
الملك :مش سامع يونان النبى
قائد :ايه اللي هيحصل ..دى جلالتك ملكنا للأبد
الملك :ملكي ايه ..البلد كلها هاتنقلب .من اصغر واحد في المملكة لحد انا نفسي الملك
قائد : اامر جلالتك اعمل ايه
الملك :روح قول لكل الشعب الملك بيبلغكم الأمر ده ..كله يصوم لحد ما ربنا يتحنن علينا ويرفع غضبه عننا
قائد :امر جلالتك
يونان :يا اهل نينوي غضب ربنا جاي علي بلدكم
القائد :امر جلالة الملك بأن يصوم الجميع من الصغير الكبير حتي الحيوانات اللي بترعي تصوم
شاب1 :ايه دا كلام اكيد بقي
شاب2:طبعا هو كلام يونان فيه هزار
يالا بسرعة كله يبلغ في بيته كلام النبي يونان و أوامر الملك
-*-*-*-*-*-
المشهد الثانى
...

(الملك يمر بين شعبه )
الملك : ربنا عاوزنا نمشى حسب كلامه ...علشان يرجع عن غضبه علينا
شفتم لما تبتم أيه اللى حصل
فلاح : لما توبنا جلالتك ..ربنا بارك فى الزرع والغنم والبهايم
..والبركة حلت فى كل زرعنا
شاب : لما توبنا أنا واصحابى ربنا بارك فى حياتنا ..وشعرنا أن ربنا معانا فى كل أعمالنا
سيدة : لما تبنا يا جلالة الملك ..أولادنا بقوا بخير ..وعادوا بيصلوا كل يوم
فالبيت اتملى بالبركة والسلام حل فى البيوت
الملك : هو ده اللى ربنا عاوزه ..بلدنا لما تابت ..فرحت قلب ربنا
ونلنا رضاه ..وأدى أحنا بنفرح كمان لما نجنى ثمار توبتنا ورجوعنا له
وآدى الأربعين يوم المهلة عدت ..وبلدنا بخير وسلام
( مرت المهلة ...ولم تنقلب المدينة)
يونان :بقي البلد كان كلها شر من مناداه مرة واحدة يتوبوا ...وكل كلام ربنا وغضبه خلاص

الملك نفسه لبس. ملابس بسيطة
آدي شباب بطلوا خطية .
آدي الناس كلها بتصلى ..ورجعوا بكل قلوبهم
ربنا بطيبته رجع عن غضبه
علشان كده يارب كنت عاوز أروح ترشيش ..متوقع اللى ها يحصل
يارب خذ نفسى ..موتى خير من حياتى
أنا مش قاعد فى المدينة دى ..أنا خارج منها
يقطينة : مالك يا أبونا يونان ..ربنا بيحبك وبعتنى لك .زى ما أحب شعب نينوى وبعتك لهم علشان تبشر ويتوبوا .شوف بقى ربنا بيحبك أزاى
يونان : يا سلام ..طيب خليكى ..شوية فوقى تحمينى من الشمس الحامية دى
يقطينة : ربنا له كل حاجة بترتيب ...دلوقتى أنا معاك ..بكره مش عارف ايه اللى يحصل
طيب أنا داخل أرتاح شوية
يقطينه : اتفضل يا أبونا يونان
دودة : أزيك يا صاحبتى
يقطينة : صاحبتك ايه ...أنتى جاية تعملى أيه هنا
دودة : أنا جاية زى ما أمرنى ربنا ..آكل فروعك وجدرك
يقطينة : يا سلام ..اشمعنى أنا بالذات
دودة : ربنا أمرنى أجيلك ..ما أقدرشى اقوله لا
يقطينة : طيب أنتظرى آخد أذن من ابونا يونان لئلا يزعل منى أوى
دودة : لا ..ما فيش وقت للأذن ..دا ربنا اللى أمر
( يقوم يونان يلقى اليقطينة مش موجودة )
يونان :
علشان كده يارب كنت عاوز أروح ترشيش ..متوقع اللى ها يحصل
يارب خذ نفسى ..موتى خير من حياتى

..موتى خير من حياتى


الاسكتش التانى يونان فى مهمات

خادمه تبدا الاول باسم الاب والابن والروح القدس الاله الواحد امين
🙏

احنا دلوقتى سمك ياترى السمك بيعيش فين ؟؟
طب ياله كلنا نعوم فى المياه بالحركات عوم عوم احنا سمك وبنعوم ياله نط لفوق وانزل عووووم. تانى ياله اغطس اغطس فى المياه اطلع نط لفوق

واثناء العوم الحوت يتكلم بصوت تخين
الحوت 🐳: اه يانى ااااه جعااان جعاااان مش قادر.
الخادمه : اه دا شو شوووو اسمعوا اسمعوا فى صوت جاى علينا الكل يسكت خالص تعالوا نشوف هيحصل اااه .
الحوت اااه يااانا يابطنى ملقيش سمكه صغيره هنا ولا هنا طيب حته جمبريايه طب اخبطوط اى حاجه جعاااان جعان اه يابطنى يانا .
🔴

يدخل 3خدام منهم يونان بالشكل دا
⤵
🕯مجسم لمركب ممكن تتعمل بالورق الكانسون زى المراكب الصغيره اللى بتتعمل دى والخدام يقفوا وراها كانهم جوا المركب وفى ملايه لبى محطوطه كانها بحر.
🕯

وممكن صور ونقصها نعملها مجسمات ويتحركوا واحنا بنحكى لو هنحكيها كقصه .
الحوت🐳 اه دا !!!! اللى انا شايفه دا ؟! دا مركب وعليها ناس كتير --وهتاكل ياواد ياحوت وهتتغذى دا انا جعااااان بقالى كام يوم مكلتش والهوا النهارده جامد اوى اوى وبيعمل اووووو اوووو يوم غريب اوى اوى .
الحوت🐳 :اه دا اه دا اه اللى انا سامعه من الناس اللى على المركب دى !!!
البحاره : كله يصرخ لالهه
ياله هنموت كلنا ارمو ارمو شويه حاجات من اللى معاكو المركب هتتكسر (هيرموا شنط ولبس )
يونان نايم
واحد من البحاره : اه دا انت نايم 😱 قوم قوم اصرخ لالهك هنموت كلنا المركب بتتكسر
البحاره : احنا نعمل قرعه ومن القرعه هنعرف مين السبب فى اللى احنا فيه دا .
هيعملوا قرعه
اه داا انت السبب انت عملت اه قولنا عملت اه عشان يحصل دا كله انت مين؟
يونان : قالهم انا هربان من ربنا خالق الكون
البحاره : حد يهرب من الهه 😱
البحاره : طب هنعمل اه دلوقتى هنعمل اه عشان البحر يسكت البحر عمال يهيج اكتر واكتر
يونان : ارمونى فى المياه والبحر هيهدا
البحاره : طب تعالوا نحاول نرجع للشط تاانى
واحد من البحاره : اه دا كل ما نحاول نرجع البحر يهيج اكتر .
وورموة-----
البحاره :اه دااا البحر هدى خالص خالص ياله نرجع ع الشاط (ويمشوا بالمركب )

الخادمه (الراوى ) وربنا عشان بيحبه قوى جهزله حوت كبير خالص خالص
🐳
الحوت : وهاااااكل وهاكل .
صوت ربنا😇ياحوت ياحوت ياحبيبى
الحوت🐳 الله😍 دا صوت حبيبى ربنا ايوه يارب ياحبيبى
صوت ربنا : خلى بالك يونان اللى رموه دلوقتى دا انا بحبه قوى وعايزك تحافظ عليه واوعى تاكله
🐳حاضر يارب بس انا جعاااااان جعاااااان
صوت ربنا : انا هبعتلك اكل كتيير اوى ياحوت ياحبيبى ❤
الحوت : متشكر متشكر يارب متشكر خالص

الراوى: و فتح الحوت بقوا الكبير ودخل يونان جواه .
يونان : 🙏😢 بيعيط وبيصلى جوه بطن الحوت والدنيا كانت ظلمه خالص
دعوت من ضيقى الرب فاستجابنى 😟😓
الحوت 🐳: انت ياعم ياللى جوه مالك بس بتعيط ليه خلتنى اعيط انا كمان اهىء اهىء انت مين
يونان 👨 انا يونان وربنا امرنى انى اروح بلد بعيده اسمها نينوى بس انا خفت ارحلهم ومرضتش اروح فارحت هربت من ربنا😓 .
الحوت 🐳: ياربىىىىىى ياربىىىىىى هربت هربت من ربنا😱 هو فى حد يقدر يهرب من ربنا دا موجود فى كل حته وفى كل مكان اه اللى انت بتقوله دا ملكش حق.
👨 يونان انا عارف انى غلط وعايز ربنا يسامحنى.
الحوت: ربنا بيحبك يايونان واكيد هيسامحك دا حتى هو اللى قايلى حط يونان جواك وحافظ عليه .

الراوى : وفضل يونان جوه الحوت 3 ايام صايم وبيصلى لربنا انه يسامحه .
صوت ربنا: ❤ ياحوت ياحوت انا مبسوط منك اوى دلوقتى طلع يونان ياله عند مدينه نينوى
🐳الحوت-ء اهىء اهىء حاضر يارب
صوت ربنا : بتعيط ليه ياحوت ياحبيبى
الحوت : انا حبيت يونان اوى اوى يارب بس هسمع كلامك ط وشكرا يارب على الاكل الكتير اللى بعتهولى😍 .
الحوت : يايونان يايونان ياله جهز نفسك هتطلع دلوقتى ---- اه دا بجد مع السلامه يايونان هتوحشنى جدا مع السلامه ياحوت .
🔴الراوى وفعلا يونان راح للبلد اللى اسمها نينوى
يونان : انتو لازم تتوبوا لازم تسمعوا كلام ربنا .....ربنا بيحبكوا ويحب يشوفكوا دايما حلوين وبتعملوا كل حاجه حلوه عشان تفرحوا قلبه
الراوى :وفعلا صاموا كلهم وصلوا وربنا سامحم ❤
لان مفيش احن منه ❤