|
 |
 |
 |
|
رقم المشاركة : ( 1 )
05 - 01 - 2024, 08:04 PM
|
|||||||||||
|
|||||||||||
 مفيش بشارة من اللي قالوها الملايكة لكل شخص من الشخصيات اللي اتذكرت في أحداث الميلاد كانت واحدة، كلهم مختلفين.. وقفت قدام بشارة الملاك للرعاة، مكتوب: "وَهذِهِ لَكُمُ الْعَلاَمَةُ: تَجِدُونَ طِفْلًا مُقَمَّطًا مُضْجَعًا فِي مِذْوَدٍ»." (لو ٢ : ١٢) وقعدت أفكر هو ليه قالهم العلامة دي بالذات واللي اكتشفته كان رهيب🤩 تعالوا أقولكم.. الرعاة دول كانوا مسئولين بشكل ما عن جودة الحيوانات اللي بتروح الهيكل عشان تتدبح كل سنة، فالخروف أو الحيوان اللي يلاقوه سليم وينفع يتقدم ذبيحة، كانوا بيلفوه بقماش معين كذا طبقة عشان يبقى محمي من أي خدش أو جرح أو من أن يحصله أي إصابة.. ودي العلامة، هيلاقوا طفل ملفوف في المذود، هي دي الطريقة اللي بيها الرعاة هيفهموا أن يسوع المسيح هو المخلص، هو الذبيح الأعظم، ولما راحوا فعلًا ولاقوه، الكتاب بيقول: ثُمَّ رَجَعَ الرُّعَاةُ وَهُمْ يُمَجِّدُونَ اللهَ وَيُسَبِّحُونَهُ عَلَى كُلِّ مَا سَمِعُوهُ وَرَأَوْهُ كَمَا قِيلَ لَهُمْ ( لوقا ٢ : ٢٠) تخيلوا .. تخيلوا عظمة كلمة الله ودقته في اعلانه😇 أحب اطمنك وأشجعك وأقولك أن الله بيعرف يوصل لكل واحد بالطريقة اللي بيفهمها ويستوعبها ، الله يعرف يوصلك ويديك علامة تساعدك تمشي معاه في طريقه.. يارب أنا جاي باصلي وباطلب منك افتح قلبي وذهني وروحي عشان أعرف وأفهم إشاراتك ليّ وأكون على يقين أنك هتحقق كلامك ليّ.💜 
|
 |
| أدوات الموضوع | |
| انواع عرض الموضوع | |
|
العرض العادي
