المزامير مدرسة لتعليم الصلاة (مزمور 9:9)

[walaa farouk]

ويكون الرب ملجأ للمنسحق ،
ملجأ فى أزمنة الضيق (مزمور 9:9)

المزامير مدرسة لتعليم الصلاة
، سفر مليان تعزيات فوق العادي ،
والآية دى لما أى حد بيقراها ،
بيحس أن أول واحد نلجأ ليه على طول هو ربنا
، وبالاكثر فى أزمنة الضيق ، والشدة والتعب والصعوبات اللى بتحاوط
من كل مكان ، صحيح مفيش إنسان تخلو حياته
من ضيقات وضغطات ، حتى رجال الله.
لأن سفر المزامير قال إن كثيرة هى أحزان الصديقين
، اللى عايز أقوله أن الضيقات دى لما تلاقيها
فى حياتك مش معناها ربنا اتخلى عنك
، خليك واثق أن ربنا دايما بيسمح بالضيقة لمنفعتك ومصلحتك
، ركز هتلاقى ربنا موجود فى الضيقة بيضيف لقلبك جمال
ولروحك اطمئنان ، ولفكرك استنارة.
وتتحول الضيقة لفرصة جميلة نتمتع فيها بأننا نشوف ايد ربنا ومعونته ،
تحت أى ظرف خليك فاكر أن ربنا يقدر يحل أى مشكلة.