لينا راعي عظيم ماسك بأيدينا شكرا ليك

[walaa farouk]

يارب شكرا لأجل كلمتك اللى بتعلن فيها عن حبك ناحية كل حد شاعر انه مرفوض.
شكرا لانك كشفت كل زيف جوانا وكل رياء لكن كمان لقينا فيك العلاج،
علمنا نقعد كل يوم ونمتحن أنفسنا قدامك
علشان منفضلش عايشين ف كدبه أننا قريبين منك واحنا ف الحقيقيه بعيدين عنك.
يارب علمنا نعيش الحق ونسلك بيه منكونش بس بنكلم الناس عنه
واحنا مش عايشينه فنكون سبب عثرة للى حوالينا.
يارب من فضلك بصلى أننا منكونش السبب ف عثرة الناس
لكن نكون بنقدم ليهم شخصك فى محبتك وصفاتك الحلوة.
شكرا يارب لأنك علمتنا ان العصفور الخامس مش منسي قدامك،
لكن احنا مش ملناش تمن لا احنا غاليين على قلبك جدا
، والتمن المدفوع فينا دمك الكريم فاحنا مش متروكين للظروف
لا احنا لينا راعي عظيم ماسك بأيدينا شكرا ليك.
آمين🙏