زوادة اليوم: نصائح من كتاب الحياة 2023/10/24

[walaa farouk]

زوادة اليوم:

نصائح من كتاب الحياة




أحد الرّهبان البوذيّين بيقول :

لمّا كنت تلميذ سمعت من معلّمي نصايح من كتاب الحياة
، كلّ مرّة بتذكّرهن برجع لأوّل إيّام التّلمذة، معلّمي
قلّي ما تبكي قدّام إنسان عم يتألّم وتنطر إنّك تكون عم تعطيه التّعزية
أو تاخذ منّو الشّفقة، ما تحطّ قلبك بين إيدين النّاس
وتنتظر منّن الرّحمة، ما تسمع للقيل والقال وتنتظر إنّك تكون عم تسمع الصّدق، ما تخون النّاس وتنتظر على طول إنّو دربك تكون مزيّنة بالصّادقين، بالنّهاية ما تستسلم لليأس والإحباط
وتطلب من النّاس يزينولك بيتك بالرّجاء.

الزّوّادة بتقلّي وبتقلّك :

الحياة مدرسة كلّها دروس، خلّينا نتذكّر إنّو الدروس الصّعبة
هيّي يلّي بتعلّمنا وبتكبّرنا وبتزرع فينا الأمل ببكرا يلّي جايي، والله معك.

[Mary Naeem]

شكرا على الزوادة
ربنا يفرح قلبك