زوادة اليوم:
ما إلها علاقة بالحقيقة!
بيخبرو عن لعبة بتقول إنّو بيوقَفوا اللّاعبين صف ورا بعضُن و كل واحد في عا ضَهرو ورقة و أوّل واحد بتكون ورقتو عالحيط قدّامو.
آخر لاعب بدّو يرسُم عا ضهر اللّي قدّامو شي و اللّي قدّامو بدو يحسّ بحركة القلم و يرسم نفس الشّي للّي قدّامو و بيكمِّل نقل الرّسمة من لاعِب للاعِب لتوصَل للّي واقِف أوّل شي.
إذا منِجي منشوف الفَرْق بالرّسمات بين اللّي بلّش و اللّي خلصِت عندو اللّعبة ما بيشبهو بعض أبدًا!
و شو بتشبَه هاللّعبة نقل الحكي بين الناس كل ما تمرُق الخبريّة عند حدا بيزيد أو بينقِّص أو بيغيِّر فيها شي و بالآخِر بتوصَل ما إلها علاقة بالحقيقة!
05 - 08 - 2023, 04:55 AM
رد: زوادة اليوم: ما إلها علاقة بالحقيقة! : 5 / 8 / 2023 /
العرض العادي
