01 - 06 - 2023, 08:14 AM
|
|
|
|
..::| الإدارة العامة |::..
|
|
|
|
|
|
بنقول في القداس الغريغوري كلمه حلوه اوي
في جزء مستحق وعادل
(غير المفحوص غير المُتغير)
عاوز اكلمك عن كلمه (غير المُتغير)
اد ايه مُريحه الكلمه دي (غير المُتغير)
مابيتغيرش معاك ابدا غير الناس
عارفين الناس لما انت بتمر بظروف نفسيه او ضغوط انت مش قادر تشرحها
بتلاقي نوعين حواليك
نوع يفضل يلومك ويضغطك ويحاسسك بكم التقصير اللي فيك
اذا كان بكلمه ولا رساله ولا حتي بنظره عينه او حتي في سلامه
ونوع تاني يقولك ايه : انا حاسس بيك انا عارف انه وقت
وهايعدي ويفتكرلك كل حاجه حلوه عملتها معاه ووقفت جنبه فيها
ويفضل معاك للاخر لحد ماتعدي من ضغوطك
النوع التاني ده شبه ربنا اوي
(غير المُتغير)
مش بيتغير معاك علشان انت عندك ظروف او مضغوط او حتي بتعيد حساباتك
فمتلغبظ لا هو معاك وانت في كل حالاتك
ربنا معاك في كل حالاتك (غير المُتغير)
يا بخت اللي حواليه ناس وقلوب شبه ربنا (غير مُتغير)
|
