الله دايما يتقدمك بجيش من الملائكة

[walaa farouk]

ساعات كتير باحس أنه في حاجات كتير بتحصل
ف حياتنا مش بيكون ليها إجابات وبتعدى، وأوقات مواجهات صعبة
وتحديات وأكون مش فاهمة ليه بيحصل كل ده😒 .....

الله انهارده شجعنى بالكلمات دى
لما يعقوب خرج لملاقاة عيسو ف تكوين 1:32
"ولاقاه ملائكة الله وقال يعقوب اذ رآهم هذا جيش الله"
وهنا ربنا فتح قلبى وعينيّ إنه إزاى هو تقدم يعقوب
وأرسل له "جيش من الملائكة" علشان تطمنه وتكون حوله..

صدق أنه كل أمر بتعدى فيه ومهما كان فيه مواجهات صعبة
لكن الله دايما يتقدمك بجيش من الملائكة
علشان تحاوطك وتشددك💪🏻..
ويقول الكتاب ف تكوين ١٠:٣٢ "صغير أنا عن جميع ألطافك
وجميع الأمانة التى صنعت الى عبدك "
وده يفكرنا أنه رغم استخدام يعقوب لطرق ملتوية وعدم أمانته علشان يوصل للى عايزه، لكن كان واثق أنه الله أمين جدًا معاه ودايما كان بيصنع معاه كل الخير والرحمة💜