|
 |
 |
 |
|
رقم المشاركة : ( 1 )
02 - 10 - 2022, 07:44 PM
|
|||||||||||
|
|||||||||||
 المشهد ده يسوع بيدخل اورشليم ✨ داخل فى زفة ملكية .. الناس قلعت هدومها وفرشوهم على الارض علشان يسوع يعدى عليهم ومسكين فى ايدهم سعف نخيل تكريما للملك يسوع ومش بس كدة كمان بيهتفوا باسم الملك فى زفة مهيبة 😍 لكن بعدها بنشوف مشهد تانى ليسوع وهو : يسوع في الهيكل وهو بيصرف الصيارفة وباعه الحمام ( الناس اللي بتبيع الذبيحة اللي بيقدمها الشعب ) ... يسوع لما شاف الهيكل بيتهان وبيتعمل فيه اعمال تانية غير العبادة يسوع غضب وصرخ فيهم ومسك كرباج وضربهم وقلب عليهم حاجتهم ... لما بشوف المشهدين بفكر فى حاجة مهمة جدا يسوع كان ممكن يكمل حياته ملك فى قصور وتحت رجله ناس بيتخدمه وفلوس وجاه وسلطة لكن يسوع كان واضح وحازم ... واضح فى هدفه ودعوته . . وصارم وحازم فى غيرته على قدسية بيت الله .... التاريخ بيحكى كتير عن ناس ادعت النبوة والالهية وعاشه ملوك وتربحه من دعوتهم المال والجاه والسلطة والجنس ! بشكر ربنا انه اعلن ليا عن ذاته فى شخص يسوع ✨😍 بصلي تكون حياته مثال وقدوة ومنارة لاى تايه فى الدنيا بصلي انى اكون واضح .. عينى دايما على الهدف .. ملكى ليس من هذا العالم زيه ساعدنى اعيش شبهك واكون نور فى وسط ضلمة .. ساعدنى افرح بالترحاب ولكن مقبلهوش على حساب دعوتى وهدفى .. .. فى اسم حبيبى يسوع بصلى ❤❤ 
|
 |
| أدوات الموضوع | |
| انواع عرض الموضوع | |
|
العرض العادي
