كلمة الله اللي مافيهاش نقاش لكن بشكل علمي

[walaa farouk]

كلنا _ او معظمنا _ مؤمنين بالمعجزات اللي حصلت فالكتاب المقدس لان دي كلمة الله اللي مافيهاش نقاش ، لكن هل حد فكر فيها بشكل عملي و علمي قبل كده ؟!

قبل ما نحكي عايز اقول ان لقينا تفسير او لا فا احنا مؤمنين بالله و كلمته مهما حصل و وجود تفسير بيجعل لينا الاتاحية للتأمل في عبقرية الله و قدرته الغير محدوده

خلينا نحكي عن معجزة من اشهر معجزات الله مع شعب اسرائيل وقت خروجه من ارض مصر و هي ( شق بحر سوف )

الحكاية ببساطة ان شعب اسرائيل كان خارج من مصر و بعد ما الله انقذه من تحت ايد فرعون ، اللي حصل ان فرعون قرر انه هيطلع وراهم بمركباته و يرجعهم تاني
و كل ده حصل و الشعب كان قدامه البحر و فرعون بجيشه جاي من وراهم

هنا تحصل حاجه و هي ( فَانْتَقَلَ مَلاَكُ اللهِ السَّائِرُ أَمَامَ عَسْكَرِ إِسْرَائِيلَ وَسَارَ وَرَاءَهُمْ، وَانْتَقَلَ عَمُودُ السَّحَابِ مِنْ أَمَامِهِمْ وَوَقَفَ وَرَاءَهُمْ فَدَخَلَ بَيْنَ عَسْكَرِ الْمِصْرِيِّينَ وَعَسْكَرِ إِسْرَائِيلَ، وَصَارَ السَّحَابُ وَالظَّلاَمُ وَأَضَاءَ اللَّيْلَ. فَلَمْ يَقْتَرِبْ هذَا إِلَى ذَاكَ كُلَّ اللَّيْلِ ) و هنا درس جميل بيوضح حب الله و عنايتة و رعايته لشعبه بس مش ده موضوعنا ..

دلوقت الشعب بقا قدامه البحر و وراه عمود السحاب - ملاك الرب - و بعدها جيوش فرعون اللي مش عارفه توصلهم

هنا يقول الكتاب المقدس ( وَمَدَّ مُوسَى يَدَهُ عَلَى الْبَحْرِ، فَأَجْرَى الرَّبُّ الْبَحْرَ بِرِيحٍ شَرْقِيَّةٍ شَدِيدَةٍ كُلَّ اللَّيْلِ، وَجَعَلَ الْبَحْرَ يَابِسَةً وَانْشَقَّ الْمَاءُ )
واضح جدا ان البحر ما اترفعش من تلقاء نفسه _ بالرغم من الله لو كان عايز ده كان عمله _ لكن بفعل ( الريح الشرقية )

بس سؤال : ازاي ريح هتقدر ترفع بحر و تفصله لجزئين ؟!
و هنا الاجابة تكون انه ينفع ده يحصل بس هنحتاج قوة رياح تساوي حوالي 6000 كم/س و دي سرعة كبيرة جدا للرياح
( اعلي الاعاصير كان سرعتها 600 كم/س فا احنا بنحكي في قوة رياح تعمل كوارث )

فا طبعا السؤال اللي بعد ده علي طول ازاي اصلا الشعب هيعدي و قدامه ريح بالقوة دي !
و ارد عليك و اقول مين قالك اصلا ان دي كانت سرعة الريح وقتها ؟

خليني اشرحلك : سرعة الريح دي _ 6000 كم/س _ كانت هي اللي هتكون مطلوبة لرفع مياه البحر فلحظة من الزمن
لكن الكتاب بيقول ان (أَجْرَى الرَّبُّ الْبَحْرَ بِرِيحٍ شَرْقِيَّةٍ شَدِيدَةٍ (كُلَّ اللَّيْلِ )) واضح جدا جدا لفظة كل الليل و ان الموضوع خد وقته و زيادة و كده قوة الريح هتكون اقل من الرقم ده بكتير جدا لان العلاقة بين الزمن و قوة الرياح علاقة عكسية

طيب حلو ازاي المية فضلت واقفة عشان الشعب يقدر يعدي من النص و ازاي موقعتش عليهم و غرقته ؟!
اجي و اقولك لانها وقتها مكانتش مية لان في خاصية فزيائية بتخلي ان الريح اللي تعدي في ممرات مية ديقة _( ده فحاله ريح قليلة لكن لما تكون ريح بالشدة دي مش هتكون محتاجه ممرات ضيقة عشان تركزها ) _ بتنخفض درجتها جدا و تخلي المية تكون طبقة من التلج او الجلد
و الكتاب قال كده كمان لما قال موسي ( وَبِرِيحِ أَنْفِكَ تَرَاكَمَتِ الْمِيَاهُ. انْتَصَبَتِ الْمَجَارِيَ كَرَابِيَةٍ. تَجَمَّدَتِ اللُّجَجُ فِي قَلْبِ الْبَحْرِ )

فا كده المشهد مشي كا الاتي :
1 - الله اتي بريح شرقية شديدة لمدة تتجاوز ال 10 ساعات
2- الريح دي خلت المياه تنقسم الي جزئين و تتجمد و تعمل اسوار من الجليد

بداء الشعب يمشي داخل البحر و بداء يمشي من وراهم عمود النار و عمود السحاب (وَكَانَ فِي هَزِيعِ الصُّبْحِ أَنَّ الرَّبَّ أَشْرَفَ عَلَى عَسْكَرِ الْمِصْرِيِّينَ فِي عَمُودِ النَّارِ وَالسَّحَابِ ) و وقتها عمود النار مكانش بيطلع غير فالليل ايه اللي خلاه يطلع فالصبح المرادي !؟

بالظبط .. عشان يذيب الجلد _ و بردو الحرارة كان ليها دور لان ( هزيع الصبح ) دي تدل علي ان الساعه كانت حوالي من 9 صباحا الي 12 ظهرا _ من بعد ما يعدي الشعب فا يبداء التلج يذوب ثم يتصدع و بضغط المية ينهار تماما و يغرق فرعون و جنوده و يتمجد الرب امام شعبه

انها مستحيلة الحدوث من الصدفة لان دقة الارقام مع دقة اختيار التوقيت تؤكد ان الله بنفسه صاحب العقل المدبر و اليد العاملة لهذه المعجزة .

_ _