ربنا شايلكم ومحاوطكم طول الوقت بخيرة ورحمتة

[walaa farouk]

خير ورحمة يتبعانني كل أيام حياتي ( مزمور ٢٣)
خليكم مصدقين أن خير ورحمة الرب بيتبعونا طول أيام حياتنا.
يمكن أوقات كتير ييجي إبليس بأفكار محبطة لأذهانا وأفكارنا ويقولنا فين نتيجة صلاتكم؟
فين وعود ربنا ليكم؟ دا أنت مش فى خطتة ولا على باله أصلا!
ربنا ناسيك وسايبك تصلى بالسنين من غير أي أستجابة!
الرب بيقولك لازم يكون عندك رجاء وإيمان وثقة لأن أنا الرب
همحو ذكر عماليق من حياتكم للأبد تشددوا واطردوا كل أفكار غير صحيحة جواكم
وماتقولوش أن ربنا مش سامعنا ولا حاسس بينا لكن خليكم واثق أن استجابة الصلاة
بتكون حسب خطة الله الصالحة لحياتكم بيعدها ليكم بس عايزكم تصبروا
وتكملوا صلاة وتقفوا ذى دانيال وهو هيجيلكم بالاستجابات دى، ربنا بس بيحسم حرب إبليس عليها
وأول ما يجيلكم بيها هيفهمكم هو ليه اتاخر عليكم.
خليكم واثقيين وفرحانيين أن ربنا شايلكم ومحاوطكم طول الوقت بخيرة ورحمتة
اللى حاطين لإبليس حد ميقدرش يتعداه في حربة عليكم.
قولوا للرب كل يوم "أشكرك لاَن خيرك ورحمتك يتبعانني كل أيام حياتي