الحب الحقيقي بيبان لما يتغير المكان وديه حكايه يونان

[walaa farouk]

غالبًا أي انسان بيكون سهل عليه
يصلي لربنا ويعبده لو هو في مكان العبادة،
علشان مُدرك كويس أن المكان دا
موجود علشان كدا ودي احسن حاجة يعملها هنا.
لكن الكتاب المقدس بيحكي لينا عن نبي
مش بس مكانش عايز يصلي لربنا
لكن كمان قرر يهرب خالص من وجه الله
ومن رسالته اللي بقاله كتير بيكلمه فيها
وعايزه ينفذها (على اساس ان ربنا مش شايفه يعني)
الغريب بقى ان صاحبنا دا غالبا مكانش فاهم كويس
يعني ايه حب بجد، ولا مُدرك يعني إيه يكون ربنا
بيحبه وعلشان بيحبه عايز يخلي قلبه شبه قلبه،
ولا طبعا كان مستوعب كويس يعني ربنا كمان
بيحب الناس وعايز يوصلهم حب عن طريقه.
لكن يشاء الله أن صاحبنا اللي كان عايز يهرب
لأي مكان بعيد دا يلاقي نفسه في جوف الحوت!
لكن يكون دا أكتر مكان تتفتح فيه عيون يونان
ويشوف ويلمس حب ورعاية وعناية الله ليه.
واللي معرفش يشوفه في مكان العبادة قبل كدا
يشوفه في مكان عجيب شبه المغارة.
وينقذه ربنا ويطلعه ويكون معاه خطوة بخطوة
علشان يبعت معاه نفس رسالة الحب والغفران
لناس تاني كتير كان فاكر انهم
في مكان بعيد عن حب ربنا.. لكن يكتشف انهم اقرب كتير
ويفهم نبي الله يونان في الآخر أن
(لا الزمان ولا المكان يقدروا يمنعوا
حب الله وغفرانه لأي انسان). 😍