١٠ نصائح هتساعدك فى تنمية مهارات اولادك:
١ - نقدم للاطفال الانشطة المناسبة لسنهم و نخليهم يختاروا منها اللى يحبوا يعملوه.
٢- نشارك الاطفال كل فترة فى عمل بعض الانشطة.
٣- تشجيع الطفل بعد ما يخلص اى خطوة فى اى عمل بيعمله.
٤- خطوات العمل هى المهمة فى تنمية مهارات الطفل مش مهم نتيجة العمل.
٥- نستفيد من كل حاجة متاحة فى البيت و من انشطة الحياة اليومية زى ترتيب سرير الطفل مثلا فى تنمية مهارات الطفل مش بس الاعمال اليدوية او الفنية.
٦- الاعمال اليدوية بتعلم الطفل المرونة فى التفكير و ان الخطأ فى اى خطوة وارد ، و ده بيدى فرصة للتفكير فى حل لاصلاح الخطأ او تغيير الفكرة لفكرة تانية مختلفة و ده بيحفز جانب الابداع عند الطفل ايضا.
٧- الطفل بيتعلم اكتر لما يعمل بنفسه و لما يحب اللى بيعمله ، يعنى وقت استمتاع الطفل هو افضل وقت لتعليمه.
٨- الاطفال بتحب تعتمد على نفسها و خصوصا فى كل حاجة جديدة بتعملها، الصح اننا ندعمهم انهم يكتشفوا بنفسهم و لكن دور الاهل انهم يبعدوا عنهم اى خطر.
٩- مهم اوى ممارسة بعض الانشطة بين مجموعة مع الاطفال سواء اخواته، قرايبه او صحابه ده بينمى المهارات الاجتماعية للطفل.
١٠- تنمية المهارات زى ممارسة الرياضة محتاجه استمرارية، يعنى لو عايزين ننمى مهارات الطفل الحركية الدقيقة مثلا هنحتاج نشوف ايه الانشطة اللى بتنمى المهارة دى سواء اعمال يدوية او اعمال المنزل اليومية و نختار منها يوميا او كل فترة نشاط مختلف عشان الطفل ما يزهقش.
