زوادة اليوم: الله وحده يكفي : 15 / 11 / 2021 /

[souad jaalouk]

زوادة اليوم: الله وحده يكفي

بتقول القديسة تريزيا الطفل يسوع لكل واحد منا: "لا يُقلقنّكّ شيءٌ، لا يُخيفنّك شيء، كلّ شيء يزول، الله لا يتغيّر، الصبرُ يَحصل على كلِّ شيء، من معه الله فلا ينقصه شيء، الله وحده يكفي." (ت 227) معروف عن تريز انّها بتكتُب شو عاشِت و شو اختبرِت. هالقديسة كتير عمليّة و بتحكي الإشيا متل ما هيّي بكل بساطة و بتتدخّل بأكتر وقت انتَ بحاجة لحدا يقلّك هالكلمات! اذا عم تقلّنا ما تخافوا من شي و ما تعتلوا هم شي اللي الله معو ما بيعوز شي هوي لأنّها عاشِت هالإشيا، هالزغيرة اللي خساراتها كانت اكبر من انو حدا بعمرُها يتحمّلها، خسرِت امها و اخواتها وحدة ورا التانية فاتو عالدّير و مرَض و وفاة بيّها و بعدين مرَضها هيي، من عدا الصعوبات اليوميّة اللي ما بتِنعدّ... بالآخر كل الأوجاع راحِت و بقي يسوع، وحدو اللي ما ترَكَها، وحدو اللي كل ما طلبِتو لقيتو! انشالله ورودها و كلماتها بيملّوا بيوت و حياة كل شخص محتاجُن...آمين
والله معكن .

[بشرى النهيسى]

شكرا للزواده الجميله والمباركه
ربنا يفرح قلبك

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب