عمري ما عرفت أبص في عين حد وأنا واخده على خاطري منه

[Mary Naeem]

عمري ما عرفت أبص في عين حد وأنا واخده على خاطري منه، ولا عمري عرفت أضحك في وش حد تقيل على قلبي، وشي مراية قلبي، وسعيده جداً بدا، مبعرفش أبقى حد تاني غير نفسي، بعمل بس اللي يخليني أبقى راضيه عن نفسي، لا بدعى حاجة ولا بحس أني محتاجه أمثل عشان أرضي حد، البساطة بتبهرني، الطيبة والحنية بياخدوا قلبي، بضحك في وش الغريب، وهروح لربنا بمحاولاتي المستميتة أن كلامي ميجرحش حد، وبحب أحاوط نفسي بناس مضطرش معاهم أنى أبرر كل حاجة بعملها، بناس يعذروني لو غلطت، يرجعوني لو ضليت، بحب النوايا السليمة ومبعرفش أعمل حساب لسوء الظن، أهلي وناسى هما أكبر نعمة في حياتي، ولو كانوا هما رزقي من الدنيا فأنا أكتر من راضيه والله