06 - 08 - 2021, 09:08 PM
|
|
|
|
..::| الإدارة العامة |::..
|
|
|
|
|
|
بمناسبة الحديث عن السيدة العذراء مريم
زمان وانا صغيرة في ابتدائي كنت كل اللي اعرفه ان السيدة مريم شخصية
تخص المسيحين والدين المسيحي فقط
وكنت في خامسة ابتدائي و في حصة الدين جت سيرة السيدة مريم ،،
وسألت المُدرسة ،، هي مش السيدة مريم عند المسيحين ؟
هي ضحكت من سؤالي ..
واكتشفت وقتها ان كل زمايلي عندهم نفس المفهوم الخاطئ ده ،، الجهل سواد بعيد عنكم
المهم
المُدرسة وقتها سابت موضوع الحصة وكلمتنا عن السيدة مريم كتيرررر
وفي الاخر قالت لنا ،،، عارفين يعني ايه ربنا يقول عن سيدة انها طاهرة
و مطهرة وانها بين جميع خلقه اصطفاها واختارها وفضلها على نساء العالمين !
وقالت لنا شوفتوا بقى قيمة ومكانة وقدر مريم عند الله ،،
وان فيه سورة في القرأن بإسمها ،،
رجعت البيت ادور في المصحف على سورة مريم
واي حاجة ليها علاقة بسيرة السيدة مريم
واول سورة قرأتها كاملة وحاولت احفظتها كانت سورة مريم
ولما كبرت شوية اشتريت كتب كتير بتتكلم عن السيدة مريم
وبقت قصة السيدة مريم بالنسبة لي نموذج للصبر والثقة واليقين بالله ،
مهما كانت الظروف قاسية والمجتمع ظالم والمحنة شديدة ،
سلام الله عليكي ايتها الطاهرة المطهرة
ا.سارة فهمي
|
