|
 |
 |
 |
|
رقم المشاركة : ( 1 )
02 - 07 - 2021, 02:45 PM
|
|||||||||||
|
|||||||||||
 تعالوا نتصارع مع الله " لا اتركك ان لم تباركني "  (( حوار بين انسان عايش 2017 و يعقوب))ايه الاصرار دا يا يعقوب وكمان فخدك يتكسر وانت لسة مصمم ؟!!! - ايوة ابويا والهي وحقي اني اخد بركتي وهو مش هايديهالك يعني .؟! - هايديني اللي هاطلبه منه .. وانا عاوزه ومش هاسيبه غير لما يباركني بركة ايه دي ؟ - بركة ايه ؟ دا يسوع من ساعة ما نزل الارض وهو كله بركات وكان " يجول يصنع خيرا"  يقابل سامرية يخليها مُبشرة .. يقابل عشار ياخده ويخليه واحد من تلاميذه .. يروح يبات عند لعازر يجمعهم ويخلي مريم من فرحتها بوجوده طول الوقت تحت رجليه تسمع منه بحب اوووي  لدرجة ان اختها اشتكت وقالتله قولها يارب تقوم تساعدني شوية  يعني انا بقي دلوقتي ..وفي زمني دا اصارع الله ازاي يعني ؟!! -في الاول اعرف ان الصراع الوحيد اللي لازم هاتطلع منه كسبان .. هو صراعك مع الله  صراعك بايمان ويقين انك ابنه وهتاخد بركتك يعني هاتاخدها ..ة قوله انا شغلي هنا ايه ؟ البركة اللي هاخدها منك ايه يارب ؟؟ وزننننننن عليه كتير والهج في الكلام دا كتير .. ومش هايردك صدقني حبيبي هو بيحب دا جداا وبيفرح بقربك دا وطلبك باشتهاء ليه ولنعمته ربنا يدينا من نعمته يعقوب عملها قبلي وقبلك .. اتخانق مع ربنا وقاله مش هسيبك إلا لما تباركني .. حتي لو الفجر طلع عليا وانا معاك .. مش هسيبك  تعالوا نقف نصلي دلوقتي .. تعالوا نقول ل ربنا مش هسيبك إلا لما تلمس مصر والعالم لمسة شفا و تعدي الأزمه دي علي خير .. مش هسيبك إلا لما تطمن قلوب الخايفين وتحمي ولادك وبناتك .. مش هسيبك إلا لما كنايسك تفتح ابوابها لينا تاني وصدقني احنا خلاص حسينا ب قيمتها وعرفنا غلاوتها .. مش هسيبك إلا لما توعدني انك هترجعنا لحضن كنيستك وبيتك قبل أسبوع الألام وأفراح القيامه .. الأيام اللي بنستناها م السنه للسنه .. مش هسيبك إلا لما تزيل الوباء و المرض من وسط شعبك وتحط حد لابليس .. مش هسيبك إلا لما ترجع الناس لاشغالها والطلاب لمدارسهم .. مش هسيبك إلا لما تشيل روح الحزن والكأبه من قلوبنا وتبدلها ب روح تسبيح وفرح .. مش هسيبك إلا لما تفرحني .. وتفرح كل اللي اتعشموا فيك .. حتي لو هكلمك كل ساعه .. وارفعلك ايدي كل لحظه .. انا خلاص يارب فاضيلك ومش ورايا غيرك انت .. ومعنديش حد غيرك اروحله ولا اتكلم معاه .. انت المسؤول قدامي وحدك وانت صاحب القوات وصانع الخيرات .. مينفعش تسيب الناس ف الكابوس ده .. ارواحنا وارواح اهالينا بين ايديك .. الموج عالي .. والشط بعيد .. والاطبا احتاروا .. يا معلم ، أما يهمك اننا نهلك ؟! .. مش هسيبك إلا لما تسمع .. وتستجيب وعارف انك إله طيب ورحوم وأمين وحنين عارف انك مش هتكسفني .. عارف يارب 
|
 |
| أدوات الموضوع | |
| انواع عرض الموضوع | |
|
العرض العادي
