اجمعي فيَّ يا كل حواسي

[walaa farouk]

تأملات_في_سفر_التثنية
الأصحاح_السابع_والعشرون
اجمعي_فيَّ_يا_كل_حواسي

ممكن اللي يبدأ يقرأ الأصحاح يقول ايه علاقة العنوان ده بالمذبح واللعنات اللي موجودة في الأصحاح
لكن لو حاولنا نوصل بعض الكلمات ببعض هنلاقيها بتخاطب الحواي
احفظ جميع الوصايا(ع1)،تكتب عليها جميع كلمات هذا الناموس(ع3)،
تبني مذبح للرب إلهك (ع5)،تصعد عليه محرقات وتذبح ذبائح سلامة(ع6، 7)،
تفرح أمام الرب (7)،انصت واسمع (ع9)
كل ما أقدس حواسي بأعمال روحية مقدسة أمام الرب
، كل ما هلاقي سلوكي التلقائي تقدس وبقي مش بيعمل الأمور اللي كانت تستوجب اللعنة
كل ما ذهني يحفظ الوصية وتكون أمامه كل حين مش هيخطئ أمام الرب
، وهيكون بداية تكون علاقة شخصية وعِشرة مع شخص الرب يسوع لأن ان احبني أحد يحفظ كلامي
، ويُحبه أبي وإليه نأتي وعنده نصنع منزلًا (يو 14: 23)

الوصية كل ما تتكتب على قلوبنا ونكون بنلهج فيها وبنسكنها بغنى جوانا
، هيتقدس قلبي وهفضل طول الوقت فاكر عمل الله في حياتي ومصدق في تتميم وعوده،
وان اللي وعد قادر ان ينفذ وعده وانه اد وعده
. وهتمتنع ان تشتهى حاجة الغير وان تبقي عايزة تستولى عليها (ع17)

كل ما اقدس لساني ويكون بيسبح وبيشكر وبيصلي قدام الرب فبيفرح(ع7)
هيمتنع عن انه يستخف بأب أو أم (ع16)، أو يضل أعمى (ع18)،
كل ما اقدسه في ترديد كلمة الله،في التسبيح، هيمتنع من التنمر على اللي حوليا،الهزار اللي يجرح،الشتيمة،الادانة،النميمة، الاستخفاف بالأب والأم وطريقة تفكيرهم وتعاملهم.

كل ما اقدس نظري، هبعد عن لعنات الزنا (ع 20 – 25)،
الرب يسوع قلها في الموعظة على الجبل اذا كان مكتوب لا تزنى فالحق الحق اقول لكم ان كل ما ينظر الى امراة ليشتهيها فقد زني بها في قلبه، جاب جذر المشكلة وان احفظ عينك من الأول عشان الخطية متكبرش جواك وتولد فعل.

نطلب كل مرة ندخل مخادعنا نصلي، وكل مرة وانا باصحي من اليوم وببدأ يوم جديد،
كل مرة داخل فيها القداس، اقول لنفسي اجمعي فيَّ يا كل حواسي،
عشان اقدر اسبح وامجد الرب يسوع، اسبحه وامجده في وقت العبادة والصلاة
ان كل حواسي تكون حاضرة ومقدسة، واسبحه وامجده من خلال حياتي وسلوكي اليومي،
لما تكون كل حاجة بعملها فيها رائحة المسيح مش رائحة العالم،
تكون متباركة ويشتم فيها المسيح رائحة سرور، متكونش تصرفات تستوجب اللعنة،
الرب يعطينا ان تكون كل حواسنا بالكامل مقدسه لمجد اسمه.