|
 |
 |
 |
|
رقم المشاركة : ( 1 )
14 - 12 - 2020, 11:01 PM
|
|||||||||||
|
|||||||||||
 كلية الأخلاق قسم "الذوق" .. كلية فاتحة من سنين ، بس اللي دخلوها قليلين ، رغم أنها مجانية تماما!! كلية ما لهاش زباين و لا مرتب و لا اوفر تايم، لأن ما لهاش تعيين في اي شغلانة !! دي كلية اللي ببتخرج منها بيتعين "في قلوب الناس" و بس .. شهادة ، اللي بياخدها يخش القلب من غير ما يخبط ، و الناس تتوجه ملك علي عرش قلوبها من غير استئذان !! خريج قسم "الذوق" لسانه حلو ، يبارك و بس ، و يدعي للناس علي طول ، ما يعرفش اللوع و النقد و الهجوم و التهديد و الخناق و الجدال المر .. يعرف يريح الكل ، حتة سكرة تتحط في اي قعدة تحليها و تخليها أجمل من الجمال.. الذوق ينقي احلي كلام و يمدح بيه الكل ، و يعمل اي خدمة يفرح بيها الكل .. تلاقيه فرحان و مبتسم و متسامح ، يتكلم علي الكل احلي كلام مهما كانت عيوبهم ، و يستر علي الكل مهما كانت وحاشتهم .. عمره ما يتكلم عن نفسه و يقدم الكل عليه .. كلمة حاضر و من عيني و اسف و حقك علي زي العسل من فمه المتواضع .. "الذوق" عمره ما يحرج حد و عمره ما يكسف حد ، و لو ما يقدرش يساعدك يدلك و يوجهك من قلبه .. صاحب "الذوق" احسن متدين في الدنيا ، و افضل من يدلك علي ربنا من غير وعظ و لا تعليم .. يا بخت الناس الحلوة دي لان أجرهم عظيم في السما و الأرض، و يا بختنا بيهم لأنهم ببخلوا الحياة احلي و احلي من طلتهم الجميلة .. 
|
 |
| أدوات الموضوع | |
| انواع عرض الموضوع | |
|
العرض العادي
