موجات الحب و الكراهية .

[walaa farouk]

من غير دخول في تفاصيل طويلة اثبتتها الخبرة ثم أثبتها العلم ،
هناك موجات تخرج من الإنسان تصل الي كل من حوله..
موجات من الحب و الكره و البغض و الحقد و الحسد و الاستغلال
(قدروا يقيسوها حديثا جدا بجهاز الPET ) ، تندفع منك الي من حولك..
و الموضوع ما لوش دعوة لا بشكل و لا بمكانة
، دي طاقة بتطلع من جواك تكشف مشاعرك للي حولك حتي قبل ما تتكلم ..
علشان كده فيه ناس ما تفهمش ليه تحبها من اول ما تشوفها
، و يتكرر نفس الشعور بعد ما تعاشرها و تسمعها و تعاملها ، أو حتي يمكن من بعيد لبعيد..
و العكس صحيح ، ناس ما ترتاح لهاش من غير ما تعرف السبب ،
و يزداد تاكدك كل ما تقرب منها أو برضه حتي من علي بعد ..
طاقة المشاعر دي فضّاحة .. تلاقيها تطلع علي الوجه و تخليه مريح
، و علي العين و تخليها تبرق من لمعان الطيبة و الصفاء ، و اللسان تلاقيه معطر بالود و الورد ..
و العكس برضه ، تلاقي الكره و الحسد و الغضب يبان علي الوش و العين و الكلام..
الطاقة دي محصلة قلب طيب سهر علي نفسه و حب الناس بجد و صمم يخدمهم من غير مقابل
، و تواضع و اخفي نفسه في ستر الله و حبه و نعمته ..
خللي بالك ، كله بيبان علي وشك و لسانك و عينيك مهما داريت و خبيت