|
 |
 |
 |
|
رقم المشاركة : ( 1 )
05 - 11 - 2020, 10:14 PM
|
|||||||||||
|
|||||||||||
 عارف ان الكلام ح يوجعك، لكن مصلحتك اهم من زعلك .. و عارف ان الموضوع صعب شوية لكن مفيد جدا .. علشان كده الكتاب قالها مرتين : "والمباحثات الغبية والسخيفة اجتنبها، عالما أنها تولد خصومات " (٢ تيموثاوس ٢: ٢٣) "وأما المباحثات الغبية ... والخصومات، والمنازعات فاجتنبها، لأنها غير نافعة، وباطلة" (تيطس ٣: ٩) ليه ؟ المناقشة جميلة لو مع عاقل يزيدك فوق فكرك فكرا .. لكن الغبي يعصّبك و يغضّبك و يحرق دمك ، و لا ح تاخد منه حق و لا باطل!! ده حله واحد أغبي منه يناقشه و يحرق هو دمه ، أو واحد اعلي سلطة منه ياخده بالقانون و القوة لو لزم الأمر .. و علي فكرة الغبي اللي بيحاول يصلح نفسه من اذكي الناس ، بس تقول لمين و تقول يا مين ؟؟ و فيه ناس فاكرة أنك لما تحاور الغبي ح تعقله، و ده للاسف عمره ما بيحصل ، لأن تعريف الغبي انه "بيحب يبقي غبي " لأنه لو عقل بيتعب !! و ده اللي قاله الكتاب : "إن دققت الأحمق في هاون بين السميذ بمدق ، لا تبرح عنه حماقته " (الأمثال ٢٧: ٢٢) اقتراحات : ١-تجنب لقاؤه أصلا ، علي قد استطاعتك و بحكمة .. لو لمحته ابعد و ما تصدرش نفسك .. ٢-لو اضطريت قلل الكلام قد ما تقدر ، و انسحب بذكاء و سيبه مع غباؤه و الأغبياء اللي وافقوا علي عشرته.. ٣-العب معاه مباراة "الالهاء" distraction .. حّول مجري الحديث الي موضوع آخر و رُد علي كلامه بموضوع آخر.. حاور و ناور ، و اهرب من الجدال و اشتري اعصابك و راحة بالك .. ٤-اوعي تنوله غرضه انه "يستفزك " و يجرك لمعركة كلام لأنه ح يغّرقك ، و هو حرّيف جدال .. ح تلاقي نفسك اتورطت و اتحشرت ، و مش ح ينوبك الا الهبل النفسي (عفوا) و العبط الوجداني ( برضه عفوا) .. ه-لو كله ما نفعش ، و نسيت كل اللي فات ، "اهرب" . . اعمل نفسك مشغول أو بترد علي تليفون ، أو عندك ميعاد ، أو حتي صباع رجلك واجعك من الوقفة (و ده اكيد وارد) .. اوعي تخاف انه يزعل ، أو تراعي مشاعره علي حساب اعصابك ، لأنه صدقني هو مش معاك اصلا .. و لو زعل (ده لو حصل أساسا ) " يبقي مصلحة" (بكل حب و احترام ليه ) ، بس بشرط انك تعمل كده بذكاء و حرفنة و من غير ما تحسسه انك ما بتحبوش .. البعد عن الغبي غنيمة ما بعدها غنيمة . 
|
 |
| أدوات الموضوع | |
| انواع عرض الموضوع | |
|
العرض العادي
