لكل يوم زوّادة: الصلا مش روتين : 3 / 10 / 2020 /

[souad jaalouk]

لكل يوم زوّادة: الصلا مش روتين

بيخبرو عن ولاد متعَودين كل سنة يروحو مع عيلتن عا بيتن الصيفي حدّ البحر يمضّو عطلتن.
بس وصلو صرخت البنت الزغيرة شو حلو هالمنظر شوفو شوفو و صارت تعيّط لأهلها و اخواتها تا يتطلّعو. قلها خيها هوّي و مشغول بغراضو لشو بدنا نتطلّع ما هيدا بيتنا و بيطلّ عا نفس البحر و كل ما نجي منشوف نفس المنظر! زعلت الزغيرة و قالتلو مش مزبوط! و لا مرّة بتكون الصورة اللي منشوفها نفسها! الموجة مش نفسها، الولاد اللي عم يلعبو مش نفسن، طائر النورس مش نفسو، نور الشمس مش نفسو...! كل ما نجي في اشيا جديدة نتأمّلها و نفرح فيها و هيك القدّاس و صلواتنا مش نفسن كل مرّة! منّن ترداد كلمات و روتين! كل مرّة في اشيا جديدة تا نشوفها و نعيشها و نشارك فيها! الصلا مش روتين و بتزهّق الصلا لغة عالميّة، ارضيّة و سماويّة!...الله معكن

[walaa farouk]

ميرسي علي زوادة اليوم
زبنا يفرح قلبك

[hany gerges]

تامل رائع

[Mary Naeem]

آمين يا رب