زوّادة اليوم: حوار الرغيفين : 18 / 7 / 2020 /

[souad jaalouk]

زوّادة اليوم: حوار الرغيفين

بيخبرو عن ربطتين خبز بالفرن عم يحكو مع بعضن. قالت اوّل وحدة انشالله يشتريني حدا غني و التانية قالت انا بدّي يشتريني حدا فقير. ضحكت عليها اوّل ربطة و قالتلها حدا بيتمنّى يروح عا بيت فقير! اكيد رح تزهقي يمكن ما يكون عندن غيرك اصلا. جاوبتها التانية:عالقليلة بكون شبّعت جوعان و ما بينسوني و بعفّن عندن متل ما معقول يصير فيكي! منصلّيلك اليوم يا رب حتّى ما يبقى حدا جوعان و حتّى الغني يلتفت بالفقير بهالظروف الصعبة. ما فينا ما نتذكّر الغني اللي خبّرنا عنّو الكتاب المقدّس اللي كان عا باب بيتو في فقير إسمو أليعازر ما كان يتطلّع فيه ابدا و لمّا ماتو التنين أليعازر طلع عالسما و الغني عا جهنّم و بس اعترض الغني قلّو إِبراهيم : " يا ابني تذكَّرْ أَنَّكَ نِلتَ خيراتِكَ في حياتِكَ , ونَالَ ألِعازرُ بلاياه . أَمَّا اليومَ فهوَ هَهُنا يتَعزَّى وأَنتَ تتعذَّب . ومَعَ هذا كُلِّهِ فبينَنا وبينَكُم أُقيمتْ هُوَّةٌ عميقة , حتَّى إِنَّ الذين يُريدونَ الاجتيازَ مِنْ هُنا إِليكُم لا يستطيعون , ولا الذين هُناكَ يستطيعونَ الاجتيازَ إلينا ."...الله معكن

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب