|
 |
 |
 |
|
رقم المشاركة : ( 1 )
26 - 06 - 2020, 11:19 AM
|
|||||||||||
|
|||||||||||
|
نفتح الكنايس ولاّ نستنى شوية  الامر في غاية الحيرة اعتقد ان سلبيات فتح الكنائس في هذه الفترة الصعبة لانتشار الفيروس ستكون اكثر جدا من الايجابيات من فضلك لا تتسرع في الحكم وتعالى معايا نناقش الامر بهدوء اولا بالنسبة للاباء الكهنة في حالة فتح الكنائس بالتاكيد سيكون الحضور باعداد محدودة والامر ده متعب جدا وفي غاية الاحراج للاب الكاهن تخيل ان العدد او المجموعة اللي عليها الدور حضرت والدنيا تمام وحضر شخص او اثنين في غير موعدهم ابونا يعمل ايه لو رفض دخولهم يزعلوا وممكن يتركوا الكنيسة ومش هقولك هيشتموه ع الفيس بوك ولا........ ولو سمح بدخولهم الموجودين هيزعلوا واقل حاجة هيقولوا ابونا مش خايف علينا ده لو مقالوش ابونا بيحابي وبيميز وباقي الكلام الفاضي ده بالنسبة لتقلص الاعداد ٢ هنلاقي في اباء كهنه حريصين ومدققين جدا في الاجراءات الاحترازية والوقائية وفي اباء اقل وفي اباء لا يعنيها الامر وده هيلغبط الناس ويسير السجس ٣ القداس ف الغالب هيكون اسرع من الصوت كإجراء احترازي ووقائي ٤ هيكون في كمية تنبيهات رهيبة عن الجلوس و التقدم للتناول واخد البركة والانصراف وياسلام لو ابونا مدقق جدا جدا ده التنبيهات هتكون اكتر من الصلاة وكل ده كوم واحنا لسه مش عارفين المجمع المقدس هيعمل ايه في حكاية المستير وده كوم تاني ثانيا الشعب في ناس هتلتزم بتقليص الاعداد وفي ناس هتلاقيها في الكنيسة كل يوم وفي مجموعة تالته هتروح الكنيسة من ع الباب وعلى حسب ولو لقاها زحمة شوية هيرجع تاني ع البيت وفي مجموعة رابعة مش هتروح الكنيسة ٢ - الناس داخل الكنيسة هنلاقيهم ٣ فئات ناس مدققين جدا لدرجة الوسوسة وناس ملتزمين بشكل عادي وناس لا يعنيهم الامر وتخيل لما يكون ال ٣ مع بعض ولاقي النوع الاول طول القداس مراقب النوع الثاني والثالث وكل همه انه يبعد عنهم وكل شوية يطلع الكحول ويرش وناقص انه يطلع متر من جيبه كل شوية يقيس المسافات احنا في كل ده ماقولناش ان ممكن حد يتوتر ويخرج عن مشاعرة و يحتك مع حد تاني ٣ في ناس هتخرج من الكنيسة موهومة بإنها اتصابت بالفيروس سيناريوهات كتيرة جدا متوقعة ربنا يستر بصراحة الله يكون في عون القيادة الكنسية لو قامت بامداد فترة غلق الكنائس الناس هتزعل ولو قالت بعودة الصلاة وفتح الكنائس مش عارفين ايه ممكن يحصل وهل ممكن الكنيسة تلام على قرار العودة فيما بعد ؟ الموضوع في غاية التعقيد وهذا بفكرنا البشري الضعيف ولكننا نثق ان الكنيسة في يد وقلب الله ضابط الكل ربنا يتمجد ويمرر الايام دي على خير رجاء محبة نصلي لاجل القيادة الكنسية ربنا يزيدها حكمة ونصلى لاجل الاباء الكنهة ربنا يقويهم ويحافظ عليهم ويعوضهم🤲🤲🤲🤲🤲🤲🤲🤲 
|
 |
| أدوات الموضوع | |
| انواع عرض الموضوع | |
|
العرض العادي
