|
 |
 |
 |
|
رقم المشاركة : ( 1 )
26 - 05 - 2020, 08:17 PM
|
|||||||||||
|
|||||||||||
 ماتصدقش... ماتصدقيش اى حاجة اى حد يقولها لك عنى.. لازم تعرفي انى بحبك.. جملة قالتها فرح في مسلسل خيانة عهد للبنت اللى بتروح لها الملجأ. . رغم شر فرح اللى بلا حدود.. جملة غالبا بتتكرر في أفلام سينمائية عربية او المسلسلات. . حد بيقول لحبيبته كده و يبقي خاين او ساعات مظلوم. . حد يقولها لأولاده قبل ما يموت و يطلع تاجر مخدرات مثلا او قاتل او اتظلم فعلا او اى حاجة .. المهم جملة متكررة.. لقتنى بفكر انى ساعات بصلى لربنا كده.. بعفوية.. و اقوله اوع تصدق خطيتى و شرى و نجاساتى.. انا بحبك.. اوع تصدق المشتكى لما تيجى اخر ايامى و يشتكينى و يطالب بنفسي اوع تفرط فيا.. ما تصدقهوش. . اه عملت كتير بس بقلة حيلة بضعف بغباء بتمرد بغضب بانتقامية من الحياة و يمكن من نفسي بس عمرها ما كانت قلة حب ليك.. الجميل في ربنا بقة رغم انه فاحص القلوب و الكلى و عارف كل تفاصيل حياتنا اللى راحت و الحاضرة و اللى جاية لكنه ما بيصدقش غير الحب.. اى حاجة تانية.. بالتوبة و الاعتراف تترمي في بحر النسيان و لا يعود يذكرها.. تقول لربنا ايه رايك يارب في الانبا موسي الأسود.. يقولك و مين سوده بس ده ابيض و قديس و زى الفل.. يارب ازاى بس ده ما فيش خطية ماعملهاش.. صحيح تاب بس عمل.. يرد و يقول عمل فعلا؟! لا خالص الانبا موسي بيحبنى.. طب و تاريخه ؟! يرد و يقول هو انا مش قلت اطرحها في البحر ومش حفتكرها . ."أَنَا أَنَا هُوَ الْمَاحِي ذُنُوبَكَ لأَجْلِ نَفْسِي، وَخَطَايَاكَ لاَ أَذْكُرُهَا»." (إش 43: 25)..v «قَدْ مَحَوْتُ كَغَيْمٍ ذُنُوبَكَ وَكَسَحَابَةٍ خَطَايَاكَ. ارْجِعْ إِلَيَّ لأَنِّي فَدَيْتُكَ.»(إش ٤٤: ٢٢). الله لما يوعد وعد او يقول حاجة يردد صداها الأبد. . نسيان يعنى نسيان يبقي انا معرفش عنه غير انه بيحبنى.. علشان كده الآباء قالوا ان التوبة و الرجوع تخلى الزانى بتول.. بتول مرة واحدة؟! يعنى أقصى طموح الزانى ان ربنا يسامحه و يغفر له زى حالاتى لكن يتقال بتول؟! اه بتول.. بتول... ايه الحب ده يارب و ايه الغفران ده و ايه طول اناتك دى و ايه حضنك الواسع ده. . علشان كده حقولك يارب اوعى تصدق لو حد قالك عليا حاجة وحشة.. انا بحبك 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| اوعي تصدق اللي بيقولك ان الناس كلها وحشة |
| اوعي تصدق |
| حتي لو قالك مش ح تصدق |
| يتجوز عليا ليه انا وحشة ولا ايه !!!؟ |
| اوعى تصدق |
العرض العادي
