لو مضايق اوى ابكى
ماخدتش بالك قبل كده انك لما بتبقى مضايق
مضايق اوى وعلى وشك انك تبكى كمان
دايما الناس تفضل تقولك متبكيش
طبعا بالنسبة للولاد الجملة المسترسلة السخيفة ( الرجالة مبتعيطش )
وبالنسبة للبنات ( بطلى هبل يا عبيطة ) ومن ده كتير
مين اللى قال ان كتمان المشاعر هو الحل
بالعكس التعبير عن المشاعر هو بداية الحل
عشان كده لو مضايق اوى ابكى
اصرخ اعمل اللى انت عاوزه
طلع كل اللى جواك لانك مش هتعرف تبقى كويس
غير لو حسيت بجد انك مش كويس
بس خد بالك اوعى تستسلم للاكتئاب
التعبير عن المشاعر هو اول خطوة فى الحل مش هو الحل
بعد ماتكون تخلصت من كل المشاعر السلبية اللى جواك
هتبقى قادر وعايز تطلع من اللى انت فيه
