مش عارف أسدد ديوني ولا أدفع مصاريف مدارس ولادي محمد فؤاد
أكد الفنان محمد فؤاد، أن خدمة البلد شرف عظيم وكبير، متابعًا: "إحنا خدامين مصر، أقسم برب العزة أنا ما شوفت في حياتي كده، ولا كنت أتخيل إن فيه كده، عمري ما تخيلت إن فيه بشر عايزين يضروا البلد بالشكل ده، ناس دمها تقيل".
واستكمل "فؤاد"، خلال مداخلة تليفونية مع الإعلامي تامر أمين، ببرنامجه "آخر النهار"، المذاع على فضائية "النهار وان" مساء اليوم الخميس: "أنا حزين إن في يوم من الأيام عيل منهم كان بياكل ويشرب في مصر".
وعلق على الانتقادات الموجهة ضده، قائلًا: "يكفي إن بيني وبين ربنا إني بعمل إللي عليا علشان هتحاسب عليه، وأنا ميشرفنيش إن الناس دي تسمع محمد فؤاد تاني، تربينا على الخير، وعمرنا ما فكرنا في شر لحد، إيه كمية الشر والغل إللي كانت مستخبية في وسطنا كده".
وعن حديث البعض أنه مرفه، قال: "أقسم برب العزة وعليا الطلاق من بيتي ما حد اتضر زينا، و80% من ثروتي اتصرفت، وولا هتهز لو كل ثروتي وفلوس عيالي اتصرفت، قسمًا برب العزة عليا الطلاق من بيتي بقسط مصروفات مدارس ولادي ما اتدفعتش لحد دلوقتي وبيرجعوا ولادي من المدرسة، إحنا مش مرفهين زي ما بيقولوا".
وتابع "الفنان": "مسلسلي واقف بقاله 6 سنين، ومش عارف أسد ديوني، وعليا الطلاق من بيتي لآخر قرش في بيتي أنا كلي لمصر ولا يمكن هبيعها ولا أطلب ثمن وقفتي معاها لو هعيش في خيمة"، مضيفًا: "الرجولة إنك تبقى زي محمد فؤاد اتقوا الله في مصر، كلنا هنتحاسب"، لافتًا إلى أنه يستثمر مع الله في حبه لمصر، مؤكدًا: "مصر مش هتخرب تاني".
هذا الخبر منقول من : جريده الفجر
27 - 09 - 2019, 01:30 PM
العرض العادي
