يارب عايز أقولك حاجة

[Magdy Monir]

يارب عايز أقولك حاجة

عاوز أقولك حاجة يارب

أنت واحشنى بقالك كتير

سامحنى على قساوة القلب أنا عارف انى شرير
أزاى أحب غيرك أو أرضيه ومفكرش حتى يارب فيك
أدور ع الحب ومش لاقيه ماهو أصلى على طول ناسيك
لو أدور العمر كله مـش هلاقى حضن زيك فيه الامانى
ولا حبايب ولا أهل ولا أصدقائى هيعوضونى ده انا منهم بعانى
أنت بس كل حاجة أنت طبيب لكل جروحى
واللى نفسـى ليه محتاجة يارب
ليك بتشتاق روحى

أسألك يا ربي أن تشرق عليا بوجهك المنير
لتبدد ظلمة حياتي، وتعلن لى مقاصدك
لآني عاجز عن الفهم
ثبت نفسي فيك ولا تدع شيئا يبعدني عنك
سود أنت يا يسوع علي حياتي وقدها
أنت يا رب لتصل بي إلي بر الأمان والنجاة
أنزع كل همومي وضيقاتي فأنت حقا المسيح المريح
فأنت الذي قلت تعالوا إلي يا جميع المتعبين
والثقيلي الأحمال وأنا أريحكم

مش هأقولك غير كلمة واحده بس
بجد أنا تعبت كتير قولت نفسى أقرب منك وأبقى معاك
لكنى بأفشل نفسى أكون معاك بجد نفسى يارب مبعدش عنك
سامحنى على ضعفى ده لأن الخطية والشيطان مبهدلنى
لدرجة حتى انى مش قادر فى مرة أقولهم لا
تذكر يارب كلمة
إجذبنى ورائك فنجرى
فأرجوك يارب متستنانيش فى ضعفى أقوم وأجيلك بنفسى
بل أنت بقوتك تعالى وأهزم ضعفى ورجعنى لحضنك
أرجوك ماتقفش تتفرج عليا وانا بضيع منك
أنا لو كان بأيدى أرجعلك كنت جيتلك من زمان
بس للأسف عاجز أنى حتى أقف على رجلى
الخطية مدمرانى
أنت اللى روحت للأبرص والأعمى والسامرية
فأرجوك يارب تعالى ليا أنا كمان
انا فى أشد الحاجة اليك
ومحتاجك اوى
مستنيك تجيلى يا يسوع
مستنيك تيجيلى
امين

[Mary Naeem]

شكرا على المشاركة الرائعة
ربنا يبارك حياتك

[Magdy Monir]

شكراً على مروركم الجميل