هل الفرح وقت الفرح

[walaa farouk]

افرحوا في الرب كل حين (فيلبي ٤ : ٤)
مش معناها طبعا اننا نفرح لما نكون فرحانين،

إنما لما نكون في حالة حزن ..

ازاي ؟؟

١-افتكر ان الحزن ما يفيدش بالعكس يربك مخك و يخليك حزين
و مكتئب و عاجز و متعب لنفسك و للناس .. يبقي بلاش منه ..

٢-افتكر ان الحزن مجرد مشاعر متأثرة بالحدث المحيط و بكلام الناس
و ما لهاش حق قايمة عليه ، يعني المشاعر متذبذبة طالعة نازلة حسب الافكار :
اعدل فكرك تعدل مشاعرك ..

٣-افتكر ان الخوف و الحزن يخلليك تعيش في الحزن اكتر ..
و اللي يخاف من ال "..." يطلع له !! "خوف الشرير هو يأتيه،
وشهوة الصديقين تمنح " (امثال ١٠ : ٢٤)

٤-افتكر ان كل تفاصيل الكون بين أنامل الخالق،
و مفيش حاجة بتطلع من ايده إلا بميزان و لغرض خاص ..

ه-الحزن دوا مر لكن شافي ، يعلمك الصلاة و السجود و الصبر و طولة البال و الرحمة و الحب
.. ربنا زي الدكتور بيديك الجرعة ٣ مرات لمدة أسبوع (مثلا) لغاية ما يتمم لك الشفا..

٦-الفرح يجي بتذكر الفرح : افتكر السما و آيات الكتاب المبهجة
(زي افرحوا في الرب) و الترنيم و التسبيح (زي بولس في السجن اعمال ١٦)
و الأعمال المفرحة (زي خدمة الناس )..

٧-افتكر كام مرة ربنا طلع ولاده من الحزن و الضيق :
شق البحر لموسي، طلع دانيال من حب الأسود، طلع الفتية من اتون النار،
طلع يوسف و بطرس و بولس من السجن ، ملا السفينة سمك لبطرس ..

٨-افتكر انت نفسك كام مرة في عمرك اللي فات ربنا انقذك
و طلع لك من الشر خير و من الظلمة نور ..

يبقي اضحك و افرح و اهدي ، ليها رب يعدل المايل
و يشق الجبل و يطفي النار و يخلق من العدم ..