|
 |
 |
 |
|
رقم المشاركة : ( 1 )
18 - 08 - 2019, 06:24 AM
|
|||||||||||
|
|||||||||||
 الفراغ ....هو كلمة السر فى الشخصيه الباحثه عن معرفة اخبار الاخرين .... ترك المسيحى دراسة الكتاب المقدس وحفظ الالحان ومعرفة مسيحه ومبقيش دلوقت عندنا المسيحى المثقف القارىء . فكانت النتيجه ..وقت الفراااااغ ...طيب الشخص الفاضى يعمل ايه ..؟؟؟ يعمل قاضى ...يدين الناس ...يحكم عليهم ...ينتقدهم .... طيب علشان يعمل كدا محتاج ايه ؟؟؟ محتاج اخباااار ... عايز يعرف كل حاجه عن كل شخص علشان يملأ فراغ حياته التافهه الفاضيه .... البحث عن اخبار الاخرين بيوقع الشخص فى مشكله تانيه غير التفاهه وهى ...التطفل ...!! التطفل انك تحشر نفسك فيما لا يخصك ... سواء عن طريق البحث والاستقصاء من الناس عن اخبار الناس او عن طريق الرزاله . ..يعنى تفضل تسأل اللى قدامك عن موضوع معين وهو واضح انه مش عايز يتكلم فيه ...!!! وبرغم الاحراج الواضح على وشه تعمل نفسك مش واخد بالك وهات يا اسئله .. وعلى كدا لسه المشكله اللى بينك وبين اخوك شغاله ؟؟؟ !!!! طيب وانت ازاى تسمح لمراتك تعمل كدا ؟؟؟!!! صحيح ابوك معاه تلاته مليون فى البنك ؟؟؟!!!! وايه سبب فسخ الخطوبه ...قصدى السبب الحقيقى ؟؟؟!!! ياخى انا نفسى اعرف ايه اللى مخليك ساكت وصابر على تصرفات صاحبك دا ؟؟؟!!!! ويفضل يضغط بالاسئله لحد ما يعرف كل الموضوع وتكون النتيجه ان الناس تكرهه وتهرب من لقائه علشان اسئلته الكتير اللى متخصهوش ....! لو حد يخصك وعايز تتدخل فى مشكله تخصه استأذن الاول .. .قيم درجة علاقتك بالشخص وهل مستوى العلاقه بينكم يسمح لك تكلمه فى موضوع شخصى . ..واعمل مقدمه مثلا "" فى موضوع يخصك انا عايز اكلمك فيه علشان ان حاسس ان فى مشكله ممكن تحص معاك . .لو مش هيضايقك تدخلى .."..وبعدين اذكر له اسم الموضوع اللى عايز تكلمه فيه وخليك لماح لقيته مش مرتاح باين عليه التوتر خلاص الغى ومتتكلمش لقيته مرحب كلمه بالتدريج . .يعنى كل ما تلاقيه فاتح لك قلبه اكتر زود جرعة الصراحه ... وحتى السوشيال ميديا اللى العالم بيستخدمها بشكل متحضر ويستفيد منها احنا حولناها لمجالس رغى .. ..وتقصى عن الاخبار وتلقيح الكلام على الغير بالغمز واللمز .... وضاااااااع العمر فيما لا يفيد .... تخيل كنية الساعات اللى بتضيعها فى الامور التافهه والرغبه المحمومه فى معرفه اخبار الناس ...!!! تخيل لو اعطيت الوقت دا لمراتك تعبر لها عن مشاعرك وقد ايه بتحبها وتذكر لها مواقف ساندتك فيها .. .تخيلى لو وفرتو الوقت والرغى دا لاولادك تشوفى مشكله حاصله معاهم وتحاولو تحليها او تقعدى مع بنتك تحضنيها وتحسى بمشاكلها ... بأبتسامه حلوه فيها امتنان للشخص اللى بيتعب علشانك ... تخيل لو وفرت الوقت دا فى انك تتصل بشخص مكلمتوش من مده فى زمن المصالح تقوله انا بس عايز اتطمن عليك وحشتنى يا عم ... . تخيل لو قدرت تعمل الحاجه اللى انا نفسى اعملها انك تقعد ساكت ف هدوء وتتخيل ربنا قدامك وتتكلم معاه كصديق ...ليه لأ ؟؟!! بلاش يكون عملك " عصفور اخبار ""..!! خليك عصفور محبه .. .عرفت مشكله تدخل بقلب نقى علشان تحلها .. .عرفت ازمه تدخل علشان تخفف من الالم ... مش كل هدفك شفت اللى حصل ؟؟؟ سمعت ؟؟؟؟ ايه انت نايم على ودانك والدنيا مقلوبه حواليك !!!! يا سيدى هتستفيد ايه من وجع الدماغ ... اخبار الناس مش هتنتهى .. .شوف عمرك اللى بيهرب من بين ايديك وارشم على نفسك الصليب وبص لفوق شويه ... وفى النهايه خد المثل الانجليزى دا هديه No news is good news !!! 
|
|
18 - 08 - 2019, 12:52 PM
|
رقم المشاركة : ( 2 ) | ||||
|
† Admin Woman †
|
رد: بلاش يكون عملك عصفور اخبار خليك عصفور محبة
اخبار الناس مش هتنتهى ..
.شوف عمرك اللى بيهرب من بين ايديك وارشم على نفسك الصليب وبص لفوق شويه مشاركة جميلة جدا ربنا يبارك حياتك |
||||
|
|
|
22 - 08 - 2019, 06:05 PM
|
رقم المشاركة : ( 3 ) | ||||
|
..::| الإدارة العامة |::..
|
رد: بلاش يكون عملك عصفور اخبار خليك عصفور محبة
ميرسى على مرورك الغالى  |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| عصفور كان نفسي فى عصفور |
| عصفور البندول |
| ثمة أيام أتمنى فيها لو يكون قلبي عصفور صغير .. |
| عصفور الغاب أفضل من عصفور القفص |
| عصفور علي شباكي |
العرض العادي
